މާލޭގެ ގެއެއްގެ ތެރޭގައި މަރުވެފައި އޮތް މީހަކު ފެނިއްޖެއެވެ.

ފުލުހުން ބުނީ މާފަންނު ގެއެއްގެ ކޮޓަރިއެއްގައި އޮތް މީހަކު ހަބަރެއް ނުވެގެން އުޅޭ ކަމުގެ މައުލޫމާތު މިއަދު ހެނދުނު 10:19 ހާއިރު އެމްއެންޑީއެފުން ފުލުހުންނަށް ގުޅައި މައުލޫމާތު ދީފައިވާ ކަމަށެވެ.

އަދި އެ މީހާ މަރުވެފައިވާކަން އޭޑީކޭ ޕެރަމެޑިކް ޑޮކްޓަރުން މައުލޫމާތު ދީފައިވާ ކަމަށް ފުލުހުން ބުނެއެވެ. މަރުވެފައިވަނީ އުމުރުން 60 އަހަރުގެ ފިރިހެނެއް ކަމަށް ފުލުހުން ބުނެއެވެ.

އޭނާ އޮތް ގޭގެ ސިޑި ހުރި ގޮތުން އެ މީހާ ގޭގެ ތިިރިއަށް ބާލަން ދަތި ވެގެން އެ މީހާ ބޭލީ އެމްއެންޑީއެފްގެ ފަޔާ އެންޑް ރެސްކިއުގެ ޓީމަކާއި ފުލުހުންނާއި ގުޅިގެންނެވެ.