މުޙައްމަދު އިބްރާހިމް
15 August 2019
މަޤްބޫލު ޙަބަރު

މެނީލާ (އޭއެފްޕީ) – ދެކުނު ފިލިޕީންސްގައި ކިނބުލެއް، ބޯޓެއްގައި އިން ކުޑަ ކުއްޖަކު ޖަހައިގަނެގެން ގެންގޮސް ކާލައިފިއެވެ.

ފިލިޕީންސްގެ ކަމާބެހޭ އިދާރާތަކާ ހަވާލާދީ މީޑިއާ ރިޕޯޓްތައް ބުނާގޮތުން، ކިނބޫ މެރުމަށް މަޝްހޫރު ބަލަބަކް ނަމަކަށް ކިޔާ ސަހަރުގައި ހިނގި އެ ހާދިސާގައި ކިނބުލެއްގެ ޝިކާރައަކަށްވީ އުމުރުން 10 އަހަރުގެ ކުއްޖެކެވެ.

ކިނބުލެއް އައިސް އެ ކުއްޖާ ޖަހައިގަތީ ދެ ބޭބެއަކާއެކު ބޯޓެއްގައި ދަތުރުކުރަމުން ދަނިކޮށެވެ.

ފިލިޕީންސްގެ ފުލުހުން ބުނީ، އެ ކުއްޖާ ހޯދުމަށް އާއިލާއިން ގިނަ މަސައްކަތްތަކެއް ކުރި ނަމަވެސް، ކުއްޖާ ފެނުނީ ކުޅިއެއްގެ ތެރެއިން ހަށިގަނދުގެ އެއްބައި ކާލާފައި އޮއްވާ ކަމަށެވެ.

ފިލިޕީންސްގައި ކިނބުލެއް ކުޑަ ކުއްޖަކު ކާލިއިރު، އެގައުމުގެ ތަރައްގީއަށް ކުރަމުންދާ މަޝްރޫއުތަކާއި އާބާދީ އިތުރުވުމާ ގުޅިގެން ކިނބޫ އުޅޭ ވެށިތައް ނެތެމުންނެވެ.

“ބަލަބަކްގައި 2015 ވަނަ އަހަރުން ފެށިގެން ކިނބުލެއްގެ ހަމަލާއެއް ނާންނަ އަހަރެއް ނުދޭ،” ބަލަބަކް ހިމެނޭ ޕަލަވަން އައިލެންޑް ގުރޫޕްގެ ތިމާވެށި ހިމާޔަތް ކުރަން މަސައްކަތްކުރާ ސަރުކާރުގެ ކައުންސިލްގެ ތަރުޖަމާން ޖޮވިކް ޕަބެލޯ ވިދާޅުވިއެވެ.

އެގޮތުން 2017 ވަނަ އަހަރުގެ ފަހުކޮޅު ކިނބުލެއް، އުމުރުން 12 އަހަރުގެ އަންހެން ކުއްޖަކު ޖަހައިގަނެގެން ގެންގޮސްފައިވާއިރު އެ ކުއްޖާ އޭގެ ފަހުން ފެނިފައެއް ނުވެއެވެ. އަދި މިދިޔަ އަހަރުގެ ފެބްރުއަރީ މަހުގެ ތެރޭގައި ވެސް ކިނބުލެއް ވަނީ ކަކުނި މަސްވެރިކަން ކުރާ މީހަކު ކާލައިފައެވެ.

Leave a Reply

Your email address will not be published.

haftha.mv ©