ޖަޕާންގެ ޓޯކިޔޯގެ ހަނެޑާ އެއާޕޯޓަށް ޖައްސަން ދިޔަ ޖަޕާން އެއާލައިންސްގެ މަތިންދާ ބޯޓެއް، ގްރައުންޑްގައި އޮތް އެހެން ބޯޓެއްގައި ޖެހި ރޯވެއްޖެ އެވެ.
ދަ ޖަޕާން ޓައިމްސްގައި ބުނެފައިވާ ގޮތުން، ރޯވި ޖަޕާން އެއާލައިންސްގެ ފްލައިޓުގައި 367 ފަސިންޖަރުންނާއި 12 ކުރޫ މެންބަރުން ދަތުރުކުރި އެވެ. އެ އެންމެންވެސް ވަނީ ސަލާމަތްކޮށްފަ އެވެ. ނަމަވެސް ހާދިސާގައި އެއްވެސް މީހަކަށް އަނިޔާއެއް ލިބުނު ކަމެއް އަދި ނޭނގެ އެވެ.
ޖަޕާން ކޯސްޓްގާޑާ ހަވާލާދީ އެ ނޫހުގައި ބުނެފައިވަނީ، ހަނެޑާ ބޭސްގައި އޮތް އެ އިދާރާގެ ބޯޓެއްގައި ޖަޕާން އެއާލައިންސްގެ ބޯޓު ޖެހިފައިވާ ކަމަށާއި އެ ހާދިސާ ހިނގީ ޖަޕާން އެއާލައިންސްގެ ބޯޓު ރަންވޭއަށް ޖެއްސުމަށްފަހު ކަމަށެވެ.
ކޯސްޓްގާޑު ބޯޓުގައި ފަސް މީހުން ތިބި ކަމަށާއި އޭގެ ތެރެއިން އެކަކު ސަލާމަތްވެފައިވާ ކަމަށްވެސް ޖަޕާން ކޯސްޓްގާޑުން ބުނެ އެވެ. އަނެއް ހަތަރު މީހުންގެ ހަބަރެއް އަދި ނުވެ އެވެ.

ގުޅުންހުރި
އިންޑޮނޭޝިއާ، މެލޭޝިއާ އަދި ބުރޫނާއީން ނިންމީ މާޗު 31 އަކީ އީދު
މިޔަންމާއަށް ބިންހެލުން އައިތާ 24 ގަޑިއިރު: މަރުވި މީހުންގެ އަދަދު 1,000
ބިންހެލުމުގައި މިއަންމާ އާއި ތައިލެންޑުން މަރުވި އަދަދު 150 އިން މައްޗަށް،
ގެއްލުނު ދެ އަހަރުގެ ކުޑަކުއްޖާ މަރާލިކަމުގެ ތުހުމަތުގައި މާމައާއި ކާފަ ހައްޔަރުކޮށްފި
ޓައިގާ ވުޑްސް މިހާރު ހިތާވެގެން އުޅެނީ ޓުރަމްޕުގެ ކުރީގެ ޅީދަރިފުޅާ
ޝަހީދުކޮށްލި ނޫސްވެރިޔާގެ ފަހު މެސެޖު: ފަލަސްތީން މިނިވަން ވަންދެން، އަހަރެމެންގެ ވާހަކަ