ހަނގުރާމަވެރި ސަރަޙައްދުތަކުގައި 100އަށްވުރެ ގިނަ ދިވެހިން މިހާރުވެސް ތާށިވެފައި ތިބިކަމުގެ މަޢުލޫމާތު ސަރުކާރަށް ލިބިފައިވާކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙުސާނު ވިދާޅުވެއްޖެއެވެ.
އިހްސާން ވިދާޅުވީ ހަނގުރާމައަށް ގޮސްފައިތިބި އެންމެންގެ ފުރިހަމަ މަަޢުލޫމާތާއި، އެމީހުން ތިބި ތަންތަން އެންމެ ރަނގަޅަށް ކަށަވަރު ނުވާކަމަށެވެ. އަދި އޭގެ ތެރެއިން ބައެއް މީހުން ތިބީ ރާއްޖެއާއި ޚާރިޖީ ގުޅުންތައް އެންމެ ރަނގަޅަށް ޤާއިމުވެފައި ނުވާ ސަރަޙައްދުތަކަށްވުމުން އެކަމުގެ ގޮންޖެހުންތައް އެބަހުރި ކަމަށެވެ.
ހަގުރާމަޔަށް ގޮސް ހާލުގައިޖެހިފައިވާ ދިވެހިން ގެނައުމުގެ މަސައްކަތް ސަރުކާރުގެ ފުރަތަމަ ދުވަހުން ފަށައިފައިވާކަމަށާއި، އެހެންކަމުން ސަރުކާރުގެ އެންމެ ބޮޑު ޢަމާޒަކީ އެ މީހުން ވީއެންމެ އަވަހަށް ރާއްޖެ ގެނެސް، ފަރުވާގެ ނިޒާމު ފުރިހަމަކޮށް އަނބުރާ މުޖުތަމަޢުއަށް ނެރުންކަމަށް ވަޒީރު ވިދާޅުވިއެވެ.
ރައީސް ޑރ މުއިއްޒު ސަރުކާރުން މިހާތަނަށް 21 މީހަކު ވަނީ ރާއްޖެ ގެނެސްފައެވެ. މި 21 މީހުން ރާއްޖެ ގެނައުމުގެ މަސައްކަތަކީވެސް، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ތުރުކީއަށް ކުރެއްވި ދަތުރުފުޅުގެތެރެއިން، އެ ޤައުމުގެ ސަރުކާރާއެކު ކުރެއްވި މަޝްވަރާތަކަށްފަހު ހޯއްދެވި ފުރުޞަތެއްކަމަށްވެސް ވަޒީރު ވިދާޅުވިއެވެ.
ނިމިގެންދިޔަ ހަފްތާ ތެރޭގައި ސަރުކާރުން ވަނީ ސޫރިޔާ އަދި ތުރުކީ ބޯޑަރުގައި ހާލުގައި ޖެހިފައިވާ ދިވެހި 21 މީހުން ރާއްޖެ ގެނެސްފައެވެ. މީގެތެރޭގައި ހިމެނެނީ 18 އަހަރުން ދަށުގެ 14 ކުޑަ ކުދިންވެސް ހިމެނެއެވެ.
ވަޒީރު ވިދާޅުވީ ބޭރުގައި ހިނގަމުންދާ ހަނގުރާމައަށް ދާ މީހުންނަކީ، އެކަމުގެ ޙަޤީގަތް ރަނގަޅަށް ނޭނގި، ބައެއްގެ ނުފޫޒު އޭގައި ވަރަށްބޮޑަށް ހިމެނިގެން ދާ މީހުންކަމަށާއި، ހަނގުރާމައަށްދާ މީހުންނާމެދު ކުރިމަތިވާ ލާއިންސާނީ ޙާލަތާއި، ތުއްތުކުދިންނަށް ދިމާވާ ހިތާމަވެރި ޙާލަތްތައް އެނގެނީ އެތަނަށް ދާ ފަހުންކަމަށްވެސް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙުސާނު ވިދާޅުވިއެވެ.
ގުޅުންހުރި
އާރްޑީސީގެ ހިޔާނާތާ އަޅުގަނޑާ ގުޅުވަނީ ރައީސް މުއިއްޒު އެދިވަޑައިގަތުމުން: ފައްޔާޒު
ސީރިއާއިން ގެނައި ދިވެހީން ރިހެބިލިޓޭޓް ކުރެވޭނެ ކަމުގެ ޔަގީންކަން އިހްސާން ދެއްވައިފި