މި އަހަރުގެ ފުރަތަމަ ދެ ހަފުތާ ތެރޭގައި ދައުލަތަށް ލިބުނު އާމްދަނީއަށްވުރެ ކުރި ހަރަދު 133 މިލިއަން ރުފިޔާ އިތުރުވެފައިވާ ކަމަށް ފިނޭންސް މިނިސްޓްރީގެ ހިސާބުތަކުން ދައްކައިފި އެވެ.
ސަރުކާރަށް ލިބޭ އާމްދަނީ އާއި ބަޖެޓުން ހަރަދު ކުރަމުންދާ ގޮތް އަންގައިދޭ ވީކްލީ ފިސްކަލް ޑިވެލޮޕްމަންޓް ރިޕޯޓަކީ މީގެ ކުރީން ކޮންމެ ހަފުތާއަކު ގަވާއިދުން ޝާއިއުކުރަމުން އައި ރިޕޯޓްތަކެކެވެ. ނަމަވެސް މި އަހަރުގެ ފުރަތަމަ ހަފުތާގެ ރިޕޯޓް ފިނޭންސް މިނިސްޓްރީން އާންމު ނުކޮށް އޮތުމަށްފަހު، އިއްޔެ ވަނީ އަހަރުގެ ފުރަތަމަ ދެ ހަފުތާގެ ރިޕޯޓް އާންމުކޮށްފަ އެވެ.
ފިނޭންސް މިނިސްޓްރީގެ ވެބްސައިޓުގައި އާންމުކޮށްފައިވާ ރިޕޯޓަށް ބަލާއިރު، މި މަހުގެ 11 ވަނަ ދުވަހުގެ ނިޔަލަށް އާމްދަނީގެ ގޮތުގައި ލިބިފައިވާ 390.3 މިލިއަން ރުފިޔާއަކީ މިދިޔަ އަހަރުގެ އެ މުއްދަތުގައި ލިބުނު މިންވަރަށްވުރެ ދަށް އަދަދެކެވެ. މިދިޔަ އަހަރުގެ ފުރަތަމަ ދެ ހަފުތާގެ ތެރޭގައި 474.4 މިލިއަން ރުފިޔާ ލިބިފައިވެ އެވެ.
އަދި އެ މުއްދަތުގައި 524 މިލިއަން ރުފިޔާ ހަރަދުކޮށްފައިވެ އެވެ. މިއީ މިދިޔަ އަހަރުގެ އެ މުއްދަތުގައި ކުރި ހަރަދަށްވުރެ 144.7 މިލިއަން ރުފިޔާ މަދު އަދަދެކެވެ.
ގުޅުންހުރި
އެލައިޑް ތަކާފުލްގެ ”ފަޔާ ތަކާފުލް“ މިހާރު އޮންލައިންކޮށް, އަވަހަށް އަދި ފަސޭހައިން
މޯލްޑިވްސް ގޭހަށް 26 އަހަރު ފުރުން ފާހަގަކުރުމަށް މުވައްޒަފުންނާއެކު ހާއްސަ ހަފުލާއެއް
އަސާސީ ކާބޯތަކެތީގެ ލިސްޓަށް އިތުރުކުރި ކާބޯތަކެތި މި މަހު 15ގެ ފަހުން
އެމްއޭސީއެލް މުވައްޒަފުންނަށް މި އަހަރުވެސް ބޯނަސްގެ ގޮތުގައި 25،000 ރުފިޔާ
ސްޓެލްކޯއަށް ގިނަ ދުވަސްތަކެއް ވަންދެން ހިދުމަތް ކޮށްދެއްވި ތިން ބޭފުޅަކު ރިޓަޔާކޮށްފި
ފިނިކުރުމަށް އިންގިލާބެއް: ކާބޯތަކެތީގެ ސިނާއަތުގައި ލިކުއިޑް ނައިޓްރޮޖަންގެ ބޭނުން