ނިމިދިޔަ ޕީޕީއެމް، ޕީއެންސީގެ މަޖިލިސް ޕްރައިމަރީން ބަލިވި ށ. ފުނަދޫ ކައުންސިލްގެ ރައީސް އަހްމަދު އިބްރާހީމްފުޅު ކުރީގެ ރައީސް އަބްދުﷲ ޔާމީން އަބްދުލްގައްޔޫމްގެ ތާއީދާއެކު އެ ދާއިރާއަށް ކުރިމަތިލާން ނިންމައިފިއެވެ.
ޔާމީނާއެކު މިރޭ ބޭއްވި ޕީއެންއެފްގެ ޖަލްސާއެއްގައި ވާހަކަދައްކަވަމުން އަހްމަދު އިބްރާހީމްފުޅު ވިދާޅުވީ ޕީޕީއެމް، ޕީއެންސީގެ ޕްރައިމަރީން އޭނާ ބަލިވީ ޕްރައިމަރީގައި އޮޅުވާލުންތަކެއް ހުރުމުން ކަމަށެވެ. އެހެންވެ، ޕީޕީއެމްގައި އިތުރަށް ހުންނަވަން ބޭނުންނުވާ ކަމަށް އޭނާ ވިދާޅުވިއެވެ.
ފުނަދޫ ދާއިރާގެ ޕީޕީއެމް، ޕީއެންސީގެ ޕްރައިމަރީ ކާމިޔާބު ކުރީ މުހައްމަދު މަމްދޫހެވެ. އަހްމަދު އިބްރާހީމްފުޅު ވިދާޅުވީ އޭނާއަށް ވޯޓުދިނީ ޕީއެންސީއަށް ވެއްދި އެމްޑީޕީގެ މެމްބަރުން ކަމަށެވެ.
ފުނަދޫގެ މެޖޯރިޓީ މީހުން ޔާމީން އުފައްދަވަން މަސައްކަތް ކުރައްވާ ޕީއެންއެފްއަށް ވެއްދުމުގެ މަސައްކަތް ފަށާނެ ކަމަށް ވެސް އޭނާ ވިދާޅުވިއެވެ.
އޭނާ ވިދާޅުވީ މިދިޔަ ސަރުކާރުން ފުނަދުއަށް ގެނައި ތަރައްގީއެއް ނެތް ކަމަށާއި އެރަށުގައި އެއާޕޯޓެއް އަޅައި ތަރައްގީ ގެނެސްދެއްވި ލީޑަރަކީ ޔާމީން ކަމަށެވެ.
ޔާމީންގެ ތާއީދާއެކު ޖުމްލަ 40 ކެންޑިޑޭޓުން ވާދަކުރަން ވަނީ ނިންމާފައެވެ.
ގުޅުންހުރި
އެމްޑީޕީއަކީ މިހާރު މުސްކުޅި ޕާޓީއެއް، އެ ޕާޓީން ވިއްކާ ސިޔާސަތުތަކެއް މިހާރު
ޗާގޯސް މައްސަލައިގައި ރާއްޖެއިން އަމަލުކުރަނީ ޔޫކޭ އާއި އެމެރިކާއިން އެދޭ ގޮތަށް:
ޕާކިސްތާނުގެ މިސްކިތެއްގައި ބޮމެއް ގޮއްވާލައި 30 އަށްވުރެ ގިނަ މީހުން މަރާލައިފި
ލޭ ހަދިޔާކުރުމަކީ ދެމިގެންވާ ސަދަގާތެއް، ސަވާބު ލިބިލިބި ހުންނާނެ ކަމެއް: ހުތުބާ
ގަވާއިދާ ހިލާފަށް އުޅޭ ބިދޭސީއެއް ސްކޭމްގެ މައްސަލައެއްގައި ހައްޔަރުކޮށްފި
ކުޅުންތެރީންނަށް ހާއްސަ ހެލްތު އިންޝުއަރެންސްގެ ހިދުމަތް ފޯރުކޮށްދޭން ފަށައިފި