އެމްޑީޕީގެ ރައީސް ކަމަށް އައްޔަންކޮށްފައިވާ ކުރީގެ ފޮރިން މިނިސްޓަރު އަބްދުﷲ ޝާހިދަށް އެ މަނިކުފާނުގެ ފުރިހަމަ އިތުބާރާއި ޔަގީންކަން އެބަ އޮތް ކަމަށް ކުރީގެ ރައީސް އިބްރާހިމް މުހައްމަދު ސޯލިހު ވިދާޅުވެއްޖެ އެވެ.
އެމްޑީޕީގެ ރައީސްކަމުގެ މަގާމަށް ކުރިމަތިލާން ހުޅުވާލި މުއްދަތު މިއަދު މެންދުރު 2:00 އަށް ހަމަވި އިރު، އެ މަގާމަށް ކުރިމަތިލީ ޝާހިދު އެކަންޏެވެ. އެހެންވެ އިންތިހާބަކާ ނުލައި، އޭނާއަށް ރައީސްކަން ލިބިފައިވާކަން އެމްޑީޕީން ވަނީ އިއުލާންކޮށްފަ އެވެ.
ޝާހިދަށް މަރުހަބާ ވިދާޅުވެ ސޯލިހު އެކްސްގައި ކުރެއްވި ޕޯސްޓެއްގައި ވިދާޅުވީ، އެމްޑީޕީގެ ރައީސްކަމުގެ މަގާމުގައި ހުންނަވައިގެން ގައުމާއި ރައްޔިތުންނަށް އަގުހުރި މަސައްކަތްތަކެއް ޝާހިދު ކޮށްދެއްވާނެކަމުގެ ފުރިހަމަ އިތުބާރާއި ޔަގީންކަން އެބަ އޮތް ކަމަށެވެ.
ސޯލިހުގެ އެ ޕޯސްޓު ރީޝެއާ ކުރައްވައި ޝާހިދު ވަނީ، ރާއްޖޭގެ ރައީސުލްޖުމްހޫރިއްޔާކަމާއި އެމްޑީޕީގެ އިސް ލީޑަރުކަމާއި ވަގުތީ ރައީސްގެ ހައިސިއްޔަތުން ސޯލިހު ދިވެހި ގައުމާއި ރައްޔިތުންނާއި އެމްޑީޕީއަށް ކޮށްދެއްވާފައިވަނީ ގިނަގުނަ، ތެދުވެރި އަދި އިހުލާސްތެރި ހިދުމަތްތަކެއްކަން ފާހަގަކޮށް ޝުކުރު ދަންނަވައިފަ އެވެ.
”އަޅުގަނޑު މި ހަވާލުވި މަގާމުގެ ވާޖިބުތަށް އަދާކުރުމުގައި މަނިކުފާނުގެ ލަފަޔާއި އިރުޝާދާއި އެހީތެރިކަން ލިބެމުންދާނެކަމުގެ ޔަގީންކަން ދެއްވާފައިވާކަމީ އިންތިހާއަށް ހިތްހަމަޖެހުން ލިބޭކަމެކެވެ.،“ ޝާހިދުގެ ޕޯސްޓުގައި ވިދާޅުވެފައިވެ އެވެ.
ގުޅުންހުރި
ނިއު ޔޯކްގައި ދިރިއުޅޭ ދިވެހިންނާ ރައީސް ބައްދަލުކުރައްވައިފި
މަރެއްގެ މައްސަލައެއްގެ ހެކިން ރާއްޖެއިން ފުރުމުން އިންޓަޕޯލްގެ އެހީއަށް އެދިއްޖެ
ޑެޕިއުޓީގެ މަގާމުން އިސްތިއުފާދެއްވި މަލްޝާ ޕީއެންސީގެ އެތެރޭގެ އިންތިހާބުގައި ވާދަކުރަނީ
ކުރިމަގުގެ ޖީލު އެދެނީ ގާޒާގައި ހިންގަމުންދާ ގަތުލުއާންމު ހުއްޓުވާނެ ހިތްވަރެއް: ރައީސް
ޮލަންކާގެ އިންތިހާބީ ރައީސް ޑިސަނަޔަކަށް ރައީސް މުއިއްޒު ތަހުނިޔާ ވިދާޅުވެއްޖެ
ބީއެމްއެލްއަށް ސީއީއޯއަކު ހޯދަން އިއުލާންކޮށްފި