ސިއްހީ އިމަޖެންސީ ހާލަތްތަކުގައި ބަލި މީހުން އުފުލުމަށް ބޭނުންކުރުމަށް އިއްޔެ ރާއްޖޭގައި ފެށި އެއާ އެމްބިއުލާންސް ހިދުމަތުގެ ދަށުން ފުރަތަމަ ދަތުރު ކުޅުދުއްފުށިން މާލެއަށްކޮށްފި އެވެ.
ކުޅުދުއްފުށީގައި އޮތް ހާލުބޮޑު ބަލި މީހަކު ގޮވައިގެން އެއާ އެމްބިއުލާންސް މާލެ އައިސްފައިވަނީ ރޭ މެންދަމު 3:20 ހާއިރެވެ.
ހެލްތް މިނިސްޓްރީއާއި އެންސްޕާ އަދި އައިލެންޑް އޭވިއޭޝަން ގުޅިގެން ދޭން ފެށި އެއާ އެމްބިއުލާންސްގެ ހިދުމަތުގައި މިވަގުތު ބޭނުން ކުރަމުންދަނީ މޯލްޑިވިއަން އިން ބޭނުން ކުރަމުން އައި ޑޭޝް-8 މަރުކާގެ މަތިންދާބޯޓެކެވެ.
އެ ބޯޓުގައި އަވަސް ސިއްހީ ފަރުވާ ދިނުމަށް ބޭނުންވާ އޮކްސިޖަންއާއި ވެންޓިލޭޓަރުގެ އިތުރުން އިމަޖެންސީ ދޭންޖެހޭ އިންޖެކްޝަން ފަދަ ވަސީލަތްތައް ވަނީ ގާއިމުކޮށްފަ އެވެ.
ހެލްތް މިނިސްޓްރީން ބުނާ ގޮތުގައި، އެއާ އެމްބިއުލާންސްގެ ހިދުމަތް ދިނުމަށް ހާއްސަކޮށްގެން 15 ސިއްހީ ހިދުމަތްތެރިއަކު ވަނީ ތަމްރީނުކޮށްފަ އެވެ. އޭގެ ތެރޭގައި ހިމެނެނީ ފަސް ޑޮކްޓަރުންނާއި ފަސް ނަރުހުންގެ އިތުރުން ފަސް އިމަޖެންސީ މެޑިކަލް ޓެކްނީޝަނުންނެވެ.
ގުޅުންހުރި
ދިވެހިންގެރާއްޖެ ހޯދަން ރައީސް މުއިއްޒު 15 އަހަރު ވެރިކަމުގައި ބަހައްޓަންޖެހޭ: އަބްދުއްރަހީމް
ކޮރެއާގެ ކުންފުންޏަކަށް 1 މަސް ތެރޭ 3 މިލިއަން ޑޮލަރު ދައްކަން
އުމުރުން ދުވަސްވީ މީހުންގެ އަތުން ފޭރުމުގެ މައްސަލަތައް އިތުރުވަނީ
ރަށެއްގެ ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ މައްސަލަ ބަލަނީ
ޖެންޒީންނަށް ވިސްނޭނެ ގޮތަކަށް އިސްލާމް ދީނުގެ ކަންކަން ކިޔައިދޭންޖެހޭ: ރައީސް
ފިހާރައެއްގެ ތެރޭގައި ހުރި މީހަކަށް ތޫނު އެއްޗަކުން ހަމަލާދީފި