ފަސް ކިލޯއަށްވުރެ ގިނަ މަސްތުވާތެކެތި ރާއްޖެއަށް އެތެރެކުރި ޕާކިސްތާނު މީހަކު ހައްޔަރުކޮށްފިއެވެ.
ފުލުހުން އެ މައްސަލައިގައި ހައްޔަރު ކޮށްފައިވަނީ އަބްދުއް ލަތީފް ބަލޮޗް ނަމަކަށް ކިޔާ މީހެކެވެ. ފުލުހުން މިއަދު ވަނީ އޭނާގެ ބަންދާއިމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކޮށްފައެވެ.
ކުރިމިނަލް ކޯޓުން ވަނީ އޭނާގެ ބަންދަށް 30 ދުވަސް ޖަހައިދީފައެވެ. އޭނާ ބަންދުގައި ބަހައްޓަން ކުރިމިނަލް ކޯޓުން އަމުރުކުރީ އަބްދުއް ލަތީފް ބަލޮޗް ރާއްޖެއައިއިރު އޭނާގެ އަތުގައ އޮތް ދަބަހުން ފަސް ކިލޯއަށްވުރެ ގިނަ މަސްތުވާތަކެތި ފެނުނުކަން ސާބިތު ކުރަން ފުލުހުން ހުށަހެޅި ރިޕޯޓަށް ރިއާޔަތް ކޮށެވެ.
އަމުރުގައި އިތުރަށް ބަޔާންކޮށްފައިވަނީ އަބްދުއް ލަތީފް ބަލޮޗްއަކީ ރާއްޖެއަށް މަސްތުވާތަކެތި އެތެރެކޮށް، އެތަކެތީގެ ވިޔަފާރީގައި އުޅޭ މީހެއް ކަމަށް ބެލެވޭ ކަމަށެވެ. އަދި އޭނާއަކީ ޕާކިސްތާނަށް ނިސްބަތްވާ މީހަކަށްވުމުން، ބަންދުން ދޫކޮށްލައިފިނަމަ ފިލައިފާނެ ކަމުގެ އިހުތިމާލު އޮތް ފަރާތެއް ކަމަށެވެ.
އަބްދުއް ލަތީފް ބަލޮޗް ބަންދުން ދޫކޮށްލައިފިނަމަ މުޖުތަމައުގެ ސަލާމަތައް ނުރައްކާވެދާނެ ކަމަށް ވެސް އަމުރުގައި ބަޔާންކޮށްފައިވެއެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޖަލު އޮފިސަރަކަށް މަރުތޭލަކުން ހަމަލާ ދިނުމަށްފަހު ފިލައިގެން އުޅުނު ދެ މީހަކު
ކުޑަކުދިން ލައްވައި ޑުރަގް ވިއްކާ މީހަކު ފުނަދޫން ހައްޔަރުކޮށްފި
އެންޓި ސްކޭމް ސެންޓަރަކާއި ގޭންގު ކުށްތައް ހުއްޓުވަން ވަކި ޑިޕާޓްމަންޓެއް ހަދައިފި
ފިޔޯރީން ނުވަ އަހަރުގެ ކުޑަކުއްޖަކު ގެއްލިގެން ހޯދަނީ