މާލޭ، ޕާކިން ޒޯނެއްގައި ހުރި އަނބު ގަހަކުން ވަގަށް އަނބު ބިން ދެ މީހަކު ހައްޔަރުކޮށް ބަންދުކޮށްފިއެވެ.
ފުލުހުން އެ މައްސަލައިގައި ހައްޔަރުކޮށްފައިވަނޫ 38 އަހަރުގެ ދިވެހި ފިރިހެނަކާއި 34 އަހަރުގެ ދިވެހި ފިރިހެނެކެވެ. އެ މީހުންގެ ބަންދާއިމެދު ގޮތެއް ނިންމުމަށް އިއްޔެ ވަނީ ކުރިމިނަލް ކޯޓަށް ހާޒިރުކޮށްފައެވެ.
އެ ދެ މީހުން ކޯޓަށް ހާޒިރުކޮށް ފުލުހުން އެދުނީ 30 ދުވަހަށް ބަންދުކޮށް ދިނުމަށެވެ. ސަބަބެއްގެ ގޮތުގައި ފުލުހުން ބުނީ އަނބު ގަސް ހުރި ޕާކިން ޒޯނަކީ އާންމުކޮށް އެންމެނަށް ވަދެވޭ ސަރަހައްދަކަށްވިޔަސް އެ ބިމަކީ މާލޭ ސިޓީ ކައުންސިލްގެ ދަށުގައިވާ ބިމެއް ކަމަށެވެ. ތުހުމަތުކުރެވޭ ދެ މީހުން އަނބު ބިންނަން ގަހަށް އަރާފައިވަނީ އެއްވެސް ބައެއްގެ ހުއްދަ ހޯދުމަށް ނެތި ކަމަށެވެ.
އެހެންކަމުން އެ ދެ މީހުންނާމެދު ފިޔަވަޅެއް ނާޅައި ދޫކޮށްލައިފިނަމަ ނިޒާމުގެ އާންމު ގެއްލިގެން ހިނގައިދާނެތީ ބަންދުކުރަންޖެހޭ ހާލަތެއް އެބައޮތް ކަމަށެވެ. ފުލުހުން ބުނީ އަޒްނީފަކީ އެކި މައްސަލަތަކާ ގުޅިގެން 44 ފަހަރު ހައްޔަރުކޮށްފައިވާ މީހެއް ކަމަށާއި އަދި އިނާޒަކީ 12 ފަހަރު ހައްޔަރުކޮށްފައިވާ މީހެއް ކަމަށެވެ.
ފުލުުހުންގެ ވާހަކަތަކަށް އަޑުއެހުމަށްފަހު ގާޒީ ނިންމެވީ 30 ދުވަހަށް އެ ދެ މީހުން ބަންދުކުރުމަކީ ހާލަތާ ނުބައްދަލު ކަމަކަށްވުމުން ތިން ދުވަހަށް ބަންދު ކުރުމަށެވެ. ފުލުހުން ވަނީ އެ ދެ މީހުންނާ ދެކޮޅަށް ކޮންމެވެސް ވަރަކަށް ހެކި ހުށަހަޅާފައި ކަމަށާއި މުޖުތަމައުގެ ސަލާމަތާ ރައްކާތެރި ކަމަށްޓަކައި އެ ދެ މީހުން ބަންދުކުރަން ޖެހޭ ކަމަށެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ހަށިވިއްކި މައްސަލަ: ދިވެހި މީހާ ދޫކޮށްލައިފައި، ތައިލެންޑު ތިން އަންހެނުން ބަންދަށް
ރައީސް މުއިއްޒަށް ސިހުރު ހެދި ކަމަށް ފުލުހުން ބުނާ ސިހުރުވެރިޔާ ދޫކޮށްލައިފި
ޖަލު އޮފިސަރަކަށް މަރުތޭލަކުން ހަމަލާ ދިނުމަށްފަހު ފިލައިގެން އުޅުނު ދެ މީހަކު
އެމްއޭސީއެލްގެ އެމްޑީގެ ބައި މިލިއަން ރުފިޔާގެ ކާރު ވަގަށް ނެގި މައްސަލަ:
ކުޑަކުދިން ލައްވައި ޑުރަގް ވިއްކާ މީހަކު ފުނަދޫން ހައްޔަރުކޮށްފި
އެންޓި ސްކޭމް ސެންޓަރަކާއި ގޭންގު ކުށްތައް ހުއްޓުވަން ވަކި ޑިޕާޓްމަންޓެއް ހަދައިފި