ދަރުމަންވަންތަ ހޮސްޕިޓަލް މަޝްރޫއުގެ ޖީއެސްޓީ ދައްކަން ޖެހޭނީ ދިވެހި ދައުލަތުން: ސިވިލް ކޯޓު

އައިޖީއެމްއެޗްގެ 25 ބުރީގެ އިމާރާތް ކަމަށްވާ ދަރުމަވަންތަ ހޮސްޕިޓަލްގެ މަޝްރޫއު ހަވާލުކޮށްފައިވަނީ ޗަންގް ހުވާ ކޮންސްޓްރަކްޝަން ކުންފުންޏާއެވެ. އެ މަޝްރޫއު ހަވާލުކުރީ 140 މިލިއަން ރުފިޔާއަށެވެ.

އެ ކުންފުނިން ސިވިލް ކޯޓަށް ހުށަހެޅި މައްސަލައިގައި ވަނީ 140 މިލިއަން ރުފިޔާއަކީ ހަމައެކަނި އެ މަޝްރޫއުގެ އަގު ކަމަށާއި އެއީ ޖީއެސްޓީ ހިމަނައިގެން ކަނޑައަޅައިފައިވާ އަގެއް ނޫން ކަމަށެވެ. އެހެންކަމުން ޖީއެސްޓީ ދައްކަން ޖެހޭނީ ދިވެހި ދައުލަތުން ކަމަށް ކަނޑައަޅައި ދިނުމަށެވެ.

އެ މައްސަލަ ބެލުމަށްފަހު ސިވިލް ކޯޓުން މިދިޔަ ހަފްތާގައި ކުރި ހުކުމުގައި ބުނީ 2018 ވަނަ އަހަރު އެ މަޝްރޫއުގެ އެއްބަސްވުމަށް ބަދަލުތަކެއް ގެނެސްފައިވާ ކަމަށެވެ. އެ ގެނައި ބަދަލުގައިވާ ގޮތުން 25 ބުރީގެ އިމާރާތުގެ މަޝްރޫއުގެ އަގުގެ ގޮތުގައި 140 މިލިއަން ޑޮލަރު ކަނޑައަޅާފައި ވަނީ ޖީއެސްޓީ އާއި އެހެން ވެސް ޓެކްސް ނުހިމެނޭ ގޮތަށް ކަމަށެވެ. އެހެންވެ، ޗައިނާގެ ކުންފުނިން އެ މަޝްރޫއުއާ ގުޅިގެން ޓެކްސްގެ ގޮތުގައި ދިވެހި ދައުލަތަށް ދައްކަންޖެހޭ ޖީއެސްޓީއަކީ ދިވެހި ސަރުކާރުން ޒިންމާވާން ޖެހޭ ފައިސާތަކެއް ކަމަށް ސިވިލް ކޯޓުން ހުކުމްކުރިއެވެ.