ބޭންކުތަކަށް ޑޮލަރު ދޫކުރާ އަދަދު މިދިޔަ އަހަރާ ބަލާއިރު މިއަހަރު އިތުރުވާނެ: އެމްއެމްއޭ

މިދިޔަ އަހަރާ ބަލާއިރު މިއަހަރުގެ ތެރޭގައި ކޮމާޝަލް ބޭންކުތަކަށް ޑޮލަރު ދޫކުރާ އަދަދު އިތުރުވާނެކަމަށް އެމްއެމްއޭން ބުނެފިއެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީއަށް މިއަދު ވަނީ އެމްއެމްއޭގެ އިސް ބޭފުޅުން ހާޒިރުކޮށް ސުވާލުކޮށްފައެވެ. ކޮމިޓީގައި ހިމެނިވަޑައިގަންނަވާ މަރަދޫ ދާއިރާގެ މެމްބަރު އިބްރާހިމް ޝަރީފް ވަނީ މީގެ ކުރިން ވިޔަފާރިތަކަށް ބޭނުންވާ ބޭރު ފައިސާ ގަންނަން ބީއެމްއެލުން 25 ޕަސަންޓަށް ޑޮލަރު ދޫކުރާ ކަމަށް ވިދާޅުވެފަ އެވެ. ޝަރީފު ވިދާޅުވީ މިފަހުން އެ އަދަދު ވަނީ ދަށްކޮށްފައި ކަމަށާއި އެކަން އެގޮތަށް ކުރީ ބޭންކުތަކަށް ޑޮލަރު ހިފެހެއްޓުމުށްތޯ އެމްއެމްއޭގެ އިސްވެރިންނާ ސުވާލު ކުރައްވައިފައެވެ.

އެ ސުވާލަށް ޖަވާބު ދެއްވަމުން އެމްއެމްއޭގެ ޑެޕިއުޓީ ގަވަރުނަރު ހުމަދު އިމާދު ވިދާޅުވީ ބޭންކުތަކަށް ދޫކުރާ ބޭރު ފައިސާާގެ އަދަދު ނޫނީ އެމްއެމްއޭގެ އިންޓަވެންޝަން މަދުކޮށްފައި ނުވާނެ ކަމަށެވެ.