ހުޅުމާލޭގެ ފޭސް ތިނަކުން 15 ހެކްޓަރުގެ ބިން ހިއްކާފައިވާކަމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ން ބުނެފިއެވެ.
އެޗްޑީސީން މިއަދު ބުނީ ހުޅުމާލޭ ތިން ވަނަ ފިޔަވަހީގެ ބިން ހިއްކުމުގެ މަސައްކަތް ކުރިއަށް ގެންދަނީ ދެބަޔަކަށް ބަހާލައިގެން ކަމަށެވެ. އެގޮތުން ފުރަތަމަ ބައިގެ ގޮތުގައި ހިއްކުމަށް ކަނޑައަޅާފައިވާ ސަރަހައްދުގެ 10 ހެކްޓަރު އަދި ދެވަނަ ބައިން ފަސް ހެކްޓަރު ހިއްކާފައިވާ ކަމަށެވެ. ފޭސް ތިނަކުން ޖުމްލަ 63 ހެކްޓަރުގެ ބިން ހިއްކުމަށް ކަނޑައަޅާފަައިވާކަމަށް އެޗްޑީސީން ބުންޏެވެ.
މިހާރު ކުރަމުންދަނީ ދެވަނަ ބައިގެ ނުނިމި އޮތްބައި ހިއްކުމުގެ މަސައްކަތް ކަމަށް އެޗްޑީސީން ބުންޏެވެ.
އެ ސަރަހައްދުގެ ހިއްކުމުގެ މަސައްކަތް ކުރަމުންދާތީ އެ ސަރަހައްދުގައި އަޅާފައިވާ ދޯނިތައް ނަގައިދިނުމަށް އެދޭ ކަމަށް އެޗްޑީސީން ބުންޏެވެ. އެ ދޯނިތައް އެ ސަރަހައްދުން ބޭރުގައި އެޅުމުގެ ފުރުސަތު އުޅަނދުގެ ވެރިންނަށް ފަހިކޮށްދީފައިވާކަމަށް ވެސް އެޗްޑީސީން ބުންޏެވެ.

ގުޅުންހުރި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ރަސްމާލެ ބިން ހިއްކަން ފައިސާ ދޭ ބަޔަކަށް ބަދަލުގައި ރަށެއް/ ފަޅެއް
އެޗްޑީސީގެ ޗެއާމަނަކަށް ހުންނެވި ނާސިފް 4 މަސް ފަހުން މަގާމުން ވަކިކޮށްފި
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި
ފަޒުލްގެ ގެއިން ފެނުނު 1.4 މިލިއަން ރުފިޔާ އަނބުރާ ހަވާލުކޮށްފި
ބިންވެރިޔާ ސްކީމާ ގުޅިގެން ޕާސްޕޯޓް ހިފެހެއްޓި ނުވަ މީހެއްގެ ޕާސްޕޯޓް ދޫކޮށްލައިފި