ޕީޕަލްސް ނޭޝަނަލް ފްރޮންޓް (ޕީއެންއެފް) އުފެއްދުމަށް ގިޔާސުއްދީން ސްކޫލްގައި ރޭ ބާއްވަން އުޅުނު ޖަލްސާއަށް ހުރަސް އެޅުމަށް އެސްއޯ ފުލުހުން އެތަނަށް ފޮނުވި މައްސަލައާ ގުޅޭ ތަހުގީގު ރިޕޯޓް ރައީސް ޑރ. މުހައްމަދު މުއިއްޒަށް ލިބިވަޑައިގެންފައިވާ ކަމަށް ރައީސް އޮފީހުން ބުނެފި އެވެ.
ކުރީގެ ރައީސް އަބްދުﷲ ޔާމީން އިސްވެ ހުންނަވައި އުފައްދަވާ ޕީއެންއެފް އުފައްދާ ޖަލްސާގެ ތައްޔާރީތައްވެ، ޖަލްސާއަށް މީހުން ވަންނަމުން ދަނިކޮށް އެސްއޯ ފުލުހުން އެތަނަށް ގޮސް، ސްކޫލުގެ ގޭޓު ބަންދުކޮށް ޖަލްސާއަށް ހުރަސް އެޅުމުން ފުލުހުންނާއި ޕީއެންއެފްގެ ސަޕޯޓަރުންނާ ދެމެދު ހަމަނުޖެހުމެއް ހިނގި އެވެ.
އެކަން ކޮންޓްރޯލް ކުރަން ޕެޕާ ސްޕްރޭ ބޭނުންކުރި އިރު، ފަހުން ރަޔަޓް ގިޔަރުގެ ފުލުހުން އެ ސަރަހައްދަށް ގޮސް އެއްވެފައި ތިބި މީހުން ފައްސާލި އެވެ.
އެ މައްސަލާގައި ފުލުހުން ބުނީ، އެ ޖަލްސާއަށް ހުރަސް އެޅީ ގިޔާޒުއްދީން ސްކޫލުގައި ޖަލްސާ ބޭއްވުމަށް ދޫކުރި ހުއްދަ ބާތިލުކޮށްފައިވާތީ އެޑިއުކޭޝަން މިނިސްޓްރީގެ އެދުމަކަށް ކަމަށެވެ. ނަމަވެސް އެކަން ކުރީ ރައީސްގެ ސިޔާސަތުތަކާއި އިރުޝާދުތަކާ ހިލާފަށް ކަމަށްވާތީ އެކަމުގެ ތަހުގީގެއް ހިންގުމަށް އެ މަނިކުފާނު ރޭ ވަނީ ފުލުހުންނަށް އަންގަވައިފަ އެވެ.
ރައީސް އޮފީހުން މިރޭ ބުނިގޮތުގައި އެކަމާ ގުޅޭ ތަހުގީގު ރިޕޯޓް މިއަދު ރައީސަށް ލިބިވަޑައިގެންފައިވާ ކަމަށާއި އެ ރިޕޯޓް ދިރާސާ ކުރެއްވުމަށްފަހު އަޅަންޖެހޭ ފިޔަވަޅުތައް އެ މަނިކުފާނު އަޅުއްވާނެ ކަމަށެވެ
ގުޅުންހުރި
ދިވެހިންގެރާއްޖެ ހޯދަން ރައީސް މުއިއްޒު 15 އަހަރު ވެރިކަމުގައި ބަހައްޓަންޖެހޭ: އަބްދުއްރަހީމް
ކޮރެއާގެ ކުންފުންޏަކަށް 1 މަސް ތެރޭ 3 މިލިއަން ޑޮލަރު ދައްކަން
އުމުރުން ދުވަސްވީ މީހުންގެ އަތުން ފޭރުމުގެ މައްސަލަތައް އިތުރުވަނީ
ރަށެއްގެ ބަނދަރަށް ވަންނަން ވާދަޖެހި ކަމަށް ބުނާ ލޯންޗުތަކުގެ މައްސަލަ ބަލަނީ
ޖެންޒީންނަށް ވިސްނޭނެ ގޮތަކަށް އިސްލާމް ދީނުގެ ކަންކަން ކިޔައިދޭންޖެހޭ: ރައީސް
ފިހާރައެއްގެ ތެރޭގައި ހުރި މީހަކަށް ތޫނު އެއްޗަކުން ހަމަލާދީފި