އަލިފުށި، މަނަދޫ އަދި ކެނދިކުޅުދޫ މަގު ހަދަން ބޭނުންވާ ސާމާނާއި ވެހިލަލް ފޮނުވަން ތައްޔާރުވެއްޖެ

ރ. އަލިފުއްޓާއި ނ. މަނަދޫ އަދި އެ އަތޮޅު ކެނދިކުޅުދޫގެ މަގުތައް ޒަމާނީ ފެންވަރަށް ހެދުމުގެ މަޝްރޫއުގެ މަސައްކަތް ބޭނުންވާ ސާމާނާއި ވެހިކަލްގެ އިތުރުން ސައިޓް ހެދުމަށް ބޭނުންވާ މެޓީރިއަލް ލޯޑް ކުރުމާއި ފޮނުވުމުގެ މަސައްކަތް ފަށައިފި އެވެ.

މި ތިން މަޝްރޫއުއަކީވެސް މިދިޔަ ސަރުކާރުގެ ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ)އާ ހަވާލުކޮށްފައިވާ މަޝްރޫއުތަކެވެ.

އަލިފުށި މަގު ހެދުން:

އަލިފުށީ ބޮޑެތި މަގުތައް ޑިޒައިންކޮށް ހެދުމުގެ މަސައްކަތް އާރުޑީސީއާ ހަވާލުކުރީ 16 އޭޕްރިލް 2023ގައި 90.96 މިލިއަން ރުފިޔާއަށެވެ. އެއީ 540 ދުވަހުގެ ތެރޭގައި ނިންމުމަށް ހަވާލު ކޮށްފައިވާ މަޝްރޫއެކެވެ.

އެ މަޝްރޫއުގެ ދަށުން އަލިފުށީގެ 3.8 ކިލޯމީޓަރު މަގުގައި ތާރު އަޅައި، މަގުތަކުގައި ފެން ހިންދާ ނިޒާމު ގާއިމުކޮށް، މަގުތަކުގައި މަގު ބައްތި ޖަހާނެ އެވެ.

ކެނދިކުޅުދޫ މަގު ހެދުން:

ޒައިން އެންޑް ބިލްޑް އުސޫލުން ނ. ކެނދިކުޅުދޫ މަގު ހެދުމުގެ މަސައްކަތް އާރުޑީސީއާ ހަވާލުކުރީ 1 ޖޫން 2023ގަ އެވެ. މިއީ 90.9 މިލިއަން ރުފިޔާއަށް 540 ދުވަހުގެ ތެރޭގައި ނިންމާގޮތަށް ހަވާލުކުރި މަޝްރޫއެކެވެ.