ކުޅުދުއްފުށި ސިޓީއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ސްޓެލްކޯގެ ތަޖުރިބާކާރުންގެ ޓީމެއް އެ ރަށަށް ގޮސްފިއެވެ.
ކުޅުދުއްފުށީގައި ކަރަންޓް ކެނޑޭ މައްސަލަ ދިމާވެފައިވާތާ މިހާރު ވަނީ މަހެއްހާ ދުވަސްވެފައެވެ. މިއަދު ހެނދުނު 9:15 އިން ފެށިގެން ވެސް މުޅި އެ ސިޓީން ވަނީ ކަރަންޓު ކެނޑިފައެވެ.
ސްޓެލްކޯގެ މެނޭޖިންގް ޑިރެކްޓަރު ހުސެއިން ފަހުމީ މިއަދު އެކް ޕޯސްޓުގައި ބުނީ، ފެނަކައިގެ އެދުމުގެ މަތިން ކުޅުދުއްފުށީގެ ކަރަންޓުގެ މައްސަލަ ހައްލު ކުރުމަށް އެކުންފުނީގެ ތަޖުރިބާކާރު އިލެކްޓްރިކަލް އަދި މެކޭނިކަލް އިންޖީނިއަރުން ހިމެނޭ ޓީމެއް އެ ސިޓީއަށް ދަތުރު ކުރަމުންދާ ކަމަށެވެ.
”އެ ސިޓީ އަށް ދިމާވެފައިވާ ކަރަންޓުގެ މައްސަލަ ހައްލުކުރަން ސްޓެލްކޯގެ ޓީމާއި ފެނަކައިގެ މުވައްޒަފުން ގުޅިގެން އެ މައްސަލަ ހައްލުކޮށް، ވީއެންމެ އަވަހަކަށް އެ ސިޓީގެ ރައްޔިތުންނަށް ކަރަންޓުގެ ހިދުމަތް ފޯރުކޮށްދެވޭނެ،“ ފަހުމީ ވިދާޅުވިއެވެ.
ފެނަކައިން ބުނީ ކުޅުދުއްފިއަށް ދިމާވެފައިވާ ކަރަންޓުގެ މައްސަލަ ހައްލުކޮށް މުޅި ރަށަށް ކަރަންޓު ދެވޭނެ ކަމަށް ލަފާކުރެވެނީ މިއަދު 18:00 ގައި ކަމަށެވެ. ނަމަވެސް އެ ގަޑިއަށް ކަރަންޓު ދެވިފައިނުވެއެވެ.
ކަރަންޓުގެ މައްސަލަ ހައްލު ނުވެ ގިނަ ދުވަސްވެފައިވާތީ މިދިޔަ ހަފުތާގައި ކުޅުދުއްފުށީގައި ވަނީ މުޒާހަރާވެސް ކޮށްފައެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ދިއްފުށީގައި ހަދާނީ އެންމެ ޒަމާނީ އިންޖީނުގެއެއް، ބުރޫނާރައި މަސައްކަތް ކުރިއަށްދާނެ: ފަހުމީ
ކަރަންޓު ބިލްތަކާ ގުޅޭގޮތުން 6،00 އަށްވުރެ ގިނަ ޝަކުވާ ހުށަހަޅައިފި: ސްޓެލްކޯ
ރޯދަމަހު ބޭނުންކުރި ކަރަންޓަށް ޑިސްކައުންޓް ދޭން ނިންމައިފި: ފަހުމީ
ބިލްތަކުން ޑިސްކައުންޓު ދިނީ ރައީސް ވައުދުވެވަޑައިގެންނެވި ގޮތަކަށް ނޫން: ރައީސް އޮފީސް
ކެމްޕޭނު އޮފީހުގައި ރޯކޮށްލި މީހާ ހައްޔަރުކުރީ ރާއްޖެއިން ބޭރަށް ފިލުމަށް އެއާޕޯޓުގައި