މ. ދިއްގަރުގައި އިމާރާތްކުރާ 75 ހައުސިން ޔުނިޓުގެ ބިންގާ މިއަދު އަޅައިފި އެވެ.
ހައުސިން މިނިސްޓްރީން މި މަޝްރޫއުގެ އެއްބަސްވުމުގައި އެމްޓީސީސީ އާއެކު ސޮއިކުރީ މިއަދު ހެނދުނު މާލޭގަ އެވެ. ނަމަވެސް މިނިސްޓްރީން ބުނީ މިއަދު މެންދުރު އެ މަޝްރޫއުގެ ބިންގާ އަޅާފައިވާ ކަމަށެވެ.
ދިއްގަރުގައި ބޭއްވި ރަސްމިއްޔާތެއްގައި އެ މަޝްރޫއުގެ ބިންގާ އަޅުއްވައި ދެއްވީ މިނިސްޓަރު ޑރ. އަލީ ހައިދަރު އަދި އެމްޓީސީސީގެ ސީއީއޯ އަބްދުﷲ ޒިޔާދެވެ.
ހައުސިން މިނިސްޓްރީން ނެރުނު ނޫސްބަޔާނުގައި ބުނީ ޖުމުލަ 117.9 މިލިއަން ރުފިޔާގެ އެ މަޝްރޫއު އެމްޓީސީސީއާ ހަވާލުކުރީ ޑިޒައިން އެންޑް ބިލްޑް އުސޫލުން ކަމަށެވެ.
މަޝްރޫއުގެ ދަށުން ހަދާ ހައުސިން ޔުނިޓްތަކުގެ ބޮޑުމިނަކީ 1000 އަކަފޫޓެވެ. އަދި ކޮންމެ އެޕާޓްމަންޓުގައި 3 ކޮޓަރި، 3 ފާހާނާ، ސިޓިން ރޫމް، ބަދިގެ، ކާގެ، ލޯންޑަރީ އަދި ސްޓޯ ރޫމެއް ހުންނާނެ އެވެ.
އޭގެ އިތުރުން އިމާރާތުގެ ވަށާފާރާއި ހައުސިން ޔުނިޓްތައް ވަށައިގެން އަލިކޮށް، ޕާކަކާއި ވެހިކަލް ޕާކު ކުރާނެ ސަރަހައްދެއް ހަދާނެ އެވެ.
ގުޅުންހުރި
އައިއެމްއެފްގެ އެހީއެއް ނުހޯދާނަން، އިންޑިއާ އިން ރާއްޖޭގެ ބުރަ ލުއިކޮށްދޭނެ: ރައީސް
ރައީސާއި ޖައިޝަންކަރާ ބައްދަލު ކުރައްވައިފި، ފުޅާ ދާއިރާއެއްގައި މަޝްވަރާ ކުރެއްވި
ވަޒީފާއަށް ފިލައިގެން އުޅުނު ކަމަށް ބުނެ ފުލުހަކު ވަކިކުރީ ގަވާއިދާހިލާފަށް: ހައި
ފުރަމާނަ ދަތުރުފުޅެއްގައި ރައީސްގެ ދެކަނބަލުން އިންޑިއާއަށް ފުރާވަޑައިގެންފި
އެޕާޓްމެންޓް ހަވާލުކޮށްފިނަމަ ދަރިންނާއެކު ވަންނާނެ ތަނެއް ނެތް: ބައްސާމް
ތަސްލީމް ހޯދަން އިންޓަޕޯލް ޔެލޯ ނޯޓިސް ނެރެފި