މިއަދު ކުރިއަށްދާ ރައްޔިތުންގެ މަޖިލީހުގެ އިންތިހާބުގައި އެމްޑީޕީއަށް ސާފު އަގުލަބިއްޔަތު ލިބިގެންދާތަން ފެނިވަޑައިގަންނަވާ ކަމަށް އެމްޑީޕީގެ އިސް އެޑްވައިޒަރު އަދި ކުރީގެ ރައީސް އިބްރާހީމް މުހައްމަދު ސޯލިހު (އިބޫ) ވިދާޅުވެއްޖެ އެވެ.
ޖަމާލުއްދީން ސްކޫލަށް ވަޑައިގެން ވޯޓު ލެއްވުމަށްފަހު ނޫސްވެރިންނާ ބައްދަލުކުރައްވާ ރައީސް ސޯލިހު ވިދާޅުވީ އިންތިހާބު އެމްޑީޕީއަށް ކާމިޔާބުވާތަން ފެނިވަޑައިގަންނަވާ ކަމަށެވެ. އެގޮތުން ބޮޑެތި ސިޓީތަކާއި ކުދިރަށްތަކުންވެސް އެމްޑީޕީއަށް ކާމިޔާބުވާތަން ފެނިވަޑައިގަންނަވާ ކަމަށާއި އުންމީދު ކުރައްވަނީ ރަނގަޅު އަގްލަބިއްޔަތެއް އެމްޑީޕީއަށް ލިބިގެންދިއުން ކަމަށް ވިދާޅުވި އެވެ.
ސޯލިހު ވަނީ އެންމެ އަވަހަކަށް ވޯޓުލާން ނުކުމެ ވީހާވެސް ގިނަ ބަޔަލު ވޯޓުލުމުގެ ހައްގު އަދާކުރެއްވުމަށް އިލްތިމާސް ކުރައްވައިފަ އެވެ. އެއީ ގައުމުގެ މަސްލަހަތައްޓަކައި، އަދި ގައުމުގެ ކުރިއެރުމަށްޓަކައި ކޮންމެހެން ބޭނުންތެރިކަމެއް ކަމަށްވެސް ވިދާޅުވި އެވެ.

ގުޅުންހުރި
ކުރީގެ ފަސްޓްލޭޑީ ފަޒްނާގެ މަންމާފުޅު އަވަހާރަވެއްޖެ
ބަދަލުދިން މައްސަލައިގައި ސޯލިހާއި ފައްޔާޒުގެ މައްޗަށް ޖިނާއީ ތަހުގީގެއް ހިންގަން ޕީޖީ
އިންތިހާބުތަކާ ދިމާކޮށް ކުރީ ސަރުކާރުން ވަނީ 1،900 ކުށްވެރިން ދޫކޮށްލާފައި: ރައީސް
ޔާމީން ގެއަށް ބަދަލުކުރީ އެއްވެސް ބޭފުޅަކު އެދިގެނެއް ނޫން: އިބޫ
ބާރުތައް ޖަމާކުރަމުންދަނީ 2028ގެ ރިޔާސީ އިންތިހާބު ފޭރިގަންނަން: ސޯލިހު
ރައްޔިތުންނަށް ލިބިފައިވާ ބާރުތައް ދަމަހައްޓަން އާ ހިތްވަރަކާ އެކު މަސައްކަތް ކުރަން