މިއަދު ކުރިއަށްދާ ރައްޔިތުންގެ މަޖިލީހުގެ އިންތިހާބުގައި މިހާތަނަށް 40 ޕަސެންޓް މީހުން ވޯޓު ލާފައިވާ ކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ.
މަޖިލިސް އިންތިހާބުގައި ހެނދުނު 8:00 އިން ފެށިގެން ވޯޓުލާން ފަށާފައިވާއިރު، ވޯޓުލާ މީހުންގެ ކިއު ބަންދުވާނީ ހަވީރު 5:30 ޖަހާއިރެވެ. ކިއު ބަންދުވާ ގަޑީގައި ކިއުގައި ތިބި އެންމެނަށްވެސް ވޯޓު ލެވޭނެ ކަމަށް އީސީން ބުނެ އެވެ.
އީސީ އިން ދެންމެ އާންމުކުރި މައުލޫމާތަށް ބަލާއިރު، މިއަދު މެންދުރު 2:00 އާ ހަމައަށް ވޯޓުލާފައިވާ މީހުންގެ އަދަދަކީ 39.9 ޕަސެންޓެވެ. އެއީ 137،404 މީހުންނެވެ. ވޯޓުލީ މީހުންގެ ތެރޭގައި ހިމެނެނީ 64،508 އަންހެނުންނާއި 72،896 ފިރިހެނުންނެވެ.
އެހެންކަމުން ވޯޓު ނުލާ އަދި 60 ޕަސެންޓް މީހުން އެބަ ތިއްބެވެ.
ރައްޔިތުންގެ މަޖިލީހުގެ އިންތިހާބުގައި ޖުމުލަ 284،663 މީހުންނަށް ވޯޓުލުމުގެ ހައްގު ލިބިފައިވެ އެވެ. އެއީ 139،361 އަންހެނުންނާއި 145،302 ފިރިހެނުންނެވެ.
ވިހި ވަނަ ރައްޔިތުންގެ މަޖިލީހަށް 93 ދާއިރާއަކަށް މެންބަރުން އިންތިހާބު ކުރާނެ އެވެ. އެއީ މިހާރު ހިނގަމުންދާ 19 ވަނަ ރައްޔިތުންގެ މަޖިލީހަށްވުރެ ހަ ދާއިރާ އިތުރު އަދަދެކެވެ.
އިތުރުވާ ދާއިރާތަކަކީ ހުޅުމާލެ މެދު ދާއިރާ، ހުޅުމާލެ އުތުރު ދާއިރާ، ހިތާދޫ ދާއިރާ (ހިތާދޫ، މާޅޮސް، ދަރަވަންދޫ)، ހުރާ ދާއިރާ (ހުރާ، ހިންމަފުށި، ގުޅީ)، ކޮލަމާފުށި ދާއިރާ (ކޮލަމާފުށި، ދެއްވަދޫ) ފޭދޫ އުތުރު ދާއިރާ (ފޭދޫ، މަރަދޫފޭދޫ) އެވެ.
މި ފަހަރުގެ އިންތިހާބުގައި 368 ކެންޑިޑޭޓުން ވާދަކުރާ އިރު، ޖުމުލަ 602 ވޯޓު ފޮށި ވަނީ ބަހައްޓައިފަ އެވެ. އެއީ މާލެ ސަރަހައްދުގައި 241 ފޮށި އަދި ރިސޯޓުތަކުގައި 34 ވޯޓު ފޮއްޓެވެ.
ގުޅުންހުރި
މާލެ ސިޓީ ކައުންސިލުން ހުސްވި ގޮނޑިތަކަށް ވާދަކުރާނީ އެމްޑީޕީއާއި ޕީއެންސީން އެކަނި
އަޅުގަނޑުމެންނަކީ ބަހަނާ ދައްކާ ބައެއް ނޫން، މިއީ ވަރަށް ސީރިއަސް ބައެއް:
މަހުލޫފުގެ ބޮޑު ތުހުމަތެއް: ނަޒޫއަށް ގޮނޑި ގެއްލުނީ ފައިސަލް އެންޓި ކެމްޕޭން
ދޮންބިލެތް ހަލީމަށް ގޮނޑި ގެއްލުނީ އެންމެ ނުވަ ވޯޓުން، އެ ދާއިރާގައި
ދެން ފެންނާނީ ދުވެލި އަވަސްކޮށް އަމަލުން ކަން ކުރާތަން، އެކަމަށް މުޅި
އިންތިހާބުގެ ނަތީޖާއިން މާޔޫސްވެއްޖެ: ފައްޔާޒު