ސަރުކާރުގެ ހުރިހާ ސްކޫލެއް އޭސީ ކުރުމުގެ މަސައްކަތް މިމަސް ތެރޭގައި ފަށާނެ ކަމަށް އެޑިއުކޭޝަން މިނިސްޓަރު ޑރ. އިސްމާއީލް ޝަފީއު ވިދާޅުވެއްޖެއެވެ.
ޝަފީއު ފޭސްބުކުގައި މިއަދު ކުރެއްވި ޕޯސްޓެއްގައި ވިދާޅުވީ ސްކޫލުތައް އޭސީ ކުރަން ނިންމައިފައިވަނީ ރައީސް ޑރ. މުހައްމަދު މުއިއްޒުގެ، ލަފާފުޅުގެ މަތިން ކަމަށެވެ.
”އިރާދަކުރެއްވިއްޔާ ދެ އަހަރު ތެރޭގައި ކޮމިއުނިޓީގެ އެހީތެރިކަމާ އެކު ސަރުކާރުގެ ހުރިހާ ސްކޫލެއް އޭސީކޮށް ނިންމާނަން. އިއްޒަތްތެރި ރައީސުލްޖުމްހޫރިއްޔާގެ ލަފާފުޅާ އެކު ފެށުމަށް ހަމަޖެހިފައިވާ މި ޕްރޮޖެކްޓުގެ އަމަލީ މަސައްކަތް މި މޭ މަހުގެ ފަހު ހަފްތާގައި އިފްތިތާހު ކުރާނަން“ ޝަފީއު ވިދާޅުވިއެވެ.
މިނިސްޓަރު ވިދާޅުވީ މިއަހަރުގެ ތެރޭގައި ފަށާ ޓީޗަރުން ތަމްރީނު ކުރުމުގެ ގައުމީ ޕްރޮގްރާމެއް ވެސް ފަށާނެ ކަމަށާއި އެ ޕްރޮގްރާމްއާއެކު މުދައްރިސުންނަކީ ގަދަރުވެރި ބައެއްކަމަށް ހެދުމުގެ އަމަލީ މަސައްކަތް ފެށިގެންދާނެ ކަމަށެވެ. ސްކޫލްތަކުގައި މުދައްރިސުން ހޭދަކުރާ ވަގުތު މަދުކުރުމަށް އެކަށީގެންވާ ފިޔަވަޅުތަކެއް އަޅާނެ ކަމަށް ވެސް މިނިސްޓަރު ވިދާޅުވިއެވެ.
މިއަހަރު ފަށާ ދިރާސީ އަހަރުގައި ތައުލީމީ ނިޒާމަށް ހެޔޮ ބަދަލުތަކެއް އަންނާނެ ގިނަ ޕްރޮޖެކްޓުތަކެއް ފެށުމަށް ރޭވިފައިވާ ކަމަށް ޝަފީއު ވިދާޅުވިއެވެ.
ސްކޫލުތަށް އޭސީ ކުރަން ހަމަޖެހިފައިވާ ވާހަކަ ޝަފީއު ވިދާޅުވެފައި މިވަނީ ސްކޫލްތަކުގެ ކްލާސްރޫމްތައް ހޫނުކަމުގެ ޝަކުވާ ބެލެނިވެރިން ކުރަމުންދާ ދަނޑިވަޅެއްގައެވެ. ރާއްޖޭގެ ހޫނުމިން މައްޗަށް ދާތީ އޭސީއާ ނުލައި ކިޔަވައިދިނުން ކުރިއަށް ގެންދިއުން ރަނގަޅު ނޫން ކަމަށް ވެސް ބައެއް ބެލެނިވެރިން ވެސް ދަނީ ބުނަމުންނެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ކްލާސްތަކަށް ވަކިވަކި ވައިބާ ގުރޫޕް ނުހަދަން އަންގައިފި
މޫސުން ގޯސްވުމުން ދިރާސީ އަހަރުގެ ފުރަތަމަ ތިން ދުވަހުގެ ކިޔެވުން ކުރުކުރަން
މާލޭ ސްކޫލްތަކުގެ ގްރޭޑް އެކަކަށް ވަންނަން 2،200 އަށްވުރެ ގިނަ ފޯމު!
ރަށްރަށުން މާލޭ ސްކޫލުތަކަށް ބަދަލުވާން ބޭނުންވާ 700 އަށްވުރެ ގިނަ ކުދިން!
ދިރާސީ އަހަރު ކުރުގަޅުވާލުމުން މަސައްކަތް ބުރަވެ، ޓީޗަރުން ތިބީ ނަފުސާނީ ވެފައި:
މަޖިލިސް އިންތިހާބު އެޕްރީލް މަހު ބާއްވާތީ އޯލެވެލް އިމްތިހާނު މިމަހު ފެށުމަށް