އަމިއްލަ ކުންފުންޏެއްގެ އޮފީސް ފަޅާލައި، އެތަނުން 1.9 މިލިއަން ރުފިޔާ ވަގަށް ނެގި މައްސަލައެއް ފުލުހުން ބަލަން ފަށައިފި އެވެ.
ފުލުހުން މިއަދު ވަނީ އެ މައްސަލައިގައި ހައްޔަރުކުރި މީހެއްގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަަށް ހާޒިރުކޮށްފަ އެވެ.
ކޯޓުގައި ފުލުހުން ބުނީ އެ މީހާއަކީ އޮފީސް ފަޅާލުމުގައި ސީދާ ބައިވެރިވި މީހުން ދިން ކަޅު ދަބަހަކާ ހަވާލުވެ، އެ ދަބަސް ހިފައިގެން އޭނާ އުޅޭ ގެއަށް ދިޔަ މީހެއް ކަމަށެވެ. އަދި ވައްކަން ކުރުމަށް ބައިވެރިވި މީހުން ދުއްވި ސައިކަލް ކުއްޔަށް ނެގުމުގައިވެސް އޭނާގެ ބައިވެރިވުން ހިމެނޭ ކަމަށް ބުންޏެވެ.
ފުލުހުން އެ ވާހަކަތަކަށް ބާރު ދިނުމުގެ ގޮތުން ސީސީޓީވީ ފުޓޭޖުގެ ވީޑިއޯއާއި އޭގެ ސްނެޕްޝޮޓްތަކެއް އަދި އިންޓެލިޖެންސް ރިޕޯޓުތަކެއް ވަނީ ކޯޓަށް ހުށަހަޅައިފަ އެވެ.
އެ ހެކިތަކަށް ރިއާޔަތް ކުރުމަށްފަހު ކްރިމިނަލް ކޯޓުން ވަނީ މީހާގެ ފަރާތުން މުޖުތަމައަށް ނުރައްކަލެއް ކުރިމަތިވެދާނެތީ 15 ދުވަހަށް ބަންދުކޮށްފަ އެވެ.
ގުޅުންހުރި
ކޮމަންޑޫގެ ފަޅުގެއަކަށް ހަތަރު ލައްކަ ރުފިޔާގެ ކަރަންޓު ބިލެއް!
ފިރިހެން ކުއްޖަކު، ހަތަރު އަހަރުގެ އަންހެން ކުއްޖަކަށް ޖިންސީ ގޯނާކުރި މައްސަލައެއް
ދަރުމަވަންތަ ހޮސްޕިޓަލާ ދިމާ ބޭރުން އަނިޔާވެފައި އޮއްވައި ފެނުނު މީހާ މަރުވެއްޖެ
ސްޓެލްކޯއިން ހިންމަފުށީގައި ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ވިއުގަ ބޭނުން ކުރަން
ބޭރު ފައިސާގެ ބިލާއެކު ދައުރުވާ ޑޮލަރު ބޮޑުތަނުން އިތުރުވެގެންދާނެ: ރައީސް
ޑޮލަރު މާރުކުރުމަށް ނިންމި ނިންމުމަށް ލުއި ދީފައިނުވާނެ: މުނައްވަރު