ޕީއެންސީގެ ޕީޖީ ލީޑަރަކަށް ފަލާހު، ސީނިއާ ޑެޕިއުޓީއަކަށް ޝުޖާއު

ވިހިވަނަ ރައްޔިތުންގެ މަޖިލީހުގެ ސުޕަ މެޖޯރިޓީ ހޯދާފައިވާ ވެރިކަން ހިންގާ ޕާޓީ، ޕްރޮގްރެސިވް ކޮންގްރެސް ޕާޓީ (ޕީއެންސީ)ގެ ޕާލިމެންޓްރީ ގުރޫޕް (ޕީޖީ)ގެ ލީޑަރު ކަމަށް އިނގުރައިދޫ ދާއިރާގެ އިންތިހާބީ މެންބަރު އިބްރާހިމް ފަލާހު ހަމަޖެއްސެމަށް ނިންމައިފި އެވެ.

އެގޮތަށް ނިންމީ ޕީއެންސީގެ ރައީސް، ރައީސުލްޖުމްހޫރިއްޔާ ޑރ. މުހައްމަދު މުއިއްޒު، އެ ޕާޓީގެ ޕީޖީ ގުރޫޕުގެ މެންބަރުންނާއި ކެބިނެޓް މިނިސްޓަރުންނާއެކު ރިޔާސީ ގެކޮޅު، މުލިއާގޭގައި މިއަދު ބޭއްވި ބައްދަލުކުރެއްވުމުގަ އެވެ.

އެ ބައްދަލުކުރެއްވުމުގައި ރައީސް ވަނީ 20 ވަނަ މަޖިލީހުގެ ރައީސް ކަމަށް ޕީއެންސީގެ ޗެއާޕާސަން އަދި ފޮނަދޫ ދާއިރާގެ މެންބަރު އަބްދުއްރަހީމް އަބްދުﷲ (އަބްދު) އަދި މަޖިލީހުގެ ނައިބު ރައީސް ކަމަށް ދިއްގަރު ދާއިރާގެ މެންބަރު އަހުމަދު ނާޒިމުގެ ނަން ހުށަހަޅުއްވައިފަ އެވެ.

އޭގެ އިތުރުން ބައްދަލުކުރެއްވުމުގައި ރައީސް ވަނީ ޕީއެންސީގެ ޕީޖީ ގުރޫޕުގެ އިސް މަގާމުތަކަށް ވަޑައިގަންނަވާނެ ބޭފުޅުން ވެސް އިއުލާން ކުރައްވައިފަ އެވެ. އެ ބޭފުޅުންނަކީ:

ވިހިވަނަ މަޖިލީސް ފަށާނީ މި މަހުގެ 28 ވަނަ ދުވަހު އެވެ. އެ ދުވަހުގެ ހެނދުނު މެންބަރުން ހުވާ ކުރުމުގެ ހާއްސަ ދަރުބާރު އޮންނާނެ އެވެ. އަދި މަޖިލީހުގެ ފުރަތަމަ ޖަލްސާ ބާއްވާ މަޖިލީހުގެ ރައީސް ކަމަށާއި ނާއިބު ރައީސް ކަމަށް ބޭފުޅުން އިންތިހާބު ކުރާާނެ އެވެ.