މާލޭގައި މީހަކު ރަހީނުކުރުމަށްފަހު އަނިޔާކޮށް، ފޭރުނު މައްސަލައެއްގައި ދެ މީހަކު ހައްޔަރުކޮށްފި އެވެ.
އެ މައްސަލައިގައި ފުލުހުން ހައްޔަރުކޮށްފައި ވަނީ ފ. ނިލަންދޫއަށް ނިސްބަތްވާ 39 އަހަރުގެ އަންހެނަކާއި 40 އަހަރުގެ ފިރިހެނެކެވެ. ފުލުހުން އެ ދެ މީހުންގެ މައްޗަށް ކުރަނީ ރަހީނުކުރުމާއި ބްލެކްމެއިލް ކުރުމުގެ އިތުރުން ފޭރުމުގެ ކުށުގެ ތުހުމަތެވެ.
އެ ދެ މީހުންގެ ބަންދާމެދު ގޮތެއް ނިންމުމަށް އިއްޔެ ކްރިމިނަލް ކޯޓުގައި ބޭއްވި އަޑުއެހުމުގައި ފުލުހުން ބުނީ އެ ދެ މީހުން ވެގެން މީހަކު ރަހީނު ކުރުމަށްފަހު ގެންގުޅެފައި ވަނީ ހ. ހޯގުޅާމަންޒިލުގައި ކަމަށެވެ. އެ ގޭ ތެރެއިން އަންހެން މީހާ ހައްޔަރު ކުރުމުން އެކަމުގައި އޭނާއާ ބައިވެރިވާ ފިރިހެން މީހާގެ މައުލޫމާތު ދިން ކަމަށްވެސް ބުންޏެވެ.
ފުލުހުން ކޯޓުގައި އިތުރަށް ބުނީ، މީހާ ރަހީނުކޮށްފައި ބެހެއްޓި ތަނުން ލަކުޑިބުރިއާއި ދަނޑިބުރި ފަދަ ތަކެތި ފެނުނު ކަމަށެވެ. އަދި މިއީ ޖަމާއަތް ހަދައިގެން ހިންގާފައިވާ އަމަލެއް ކަމަށް ބެލެވޭތީ އެ ދެ މީހުން ބަންދުކޮށް ދިނުމަށް ފުލުހުން އެދުނެވެ.
ފުލުހުންގެ ހެކިތަކަށް ބެލުމަށްފަހު ކޯޓުން އިއްޔެ ނިންމީ އަންހެން މީހާގެ ބަންދަށް 10 ދުވަސް އަދި ފިރިހެން މީހާގެ ބަންދަށް 15 ދުވަސް ޖެހުމަށެވެ. އެ މީހުން ބަންދުކުރީ މުޖުތަމައުގެ ސަލާމަތާއި ރައްކާތެރިކަމަށްޓަކައި ކަމަށްވެސް ކޯޓުން ބުންޏެވެ.

ގުޅުންހުރި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ހިތަދޫ އާރިކިޅި ތެރެއިން މަރުވެފައި އޮތް މީހަކު ފެނިއްޖެ
ކުރީގެ އަނބިމީހާއަށް ބިރު ދައްކައި ބްލެކްމެއިލް ކުރުމުގެ ތުހުމަތުގައި މީހަކު ހައްޔަރުކޮށްފި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި