މިދިޔަ މަހުގެ ކަރަންޓު ބިލް އެހެން މަސްތަކާ އަޅާބަލާއިރު ބޮޑުވެފައިވާ ކަމަށް ބުނެ 6،000 އަށްވުރެ ގިނަ ޝަކުވާ އެކި ފަރާތްތަކުން ސްޓެލްކޯއަށް ހުށަހަޅައިފައިވާ ކަމަށް އެ ކުންފުނިން ބުނެފިއެވެ.
ސްޓެލްކޯއިން މިއަދު ބުނީ ކަރަންޓު ބިލާ ގުޅޭގޮތުން 659 ފޯނު ކޯލް ލިބިފައިވާ ކަމަށާއި އެ ހުރިހާ ފޯން ކޯލަކަށް ޖަވާބުދީފައިވާނެ ކަމަށެވެ. އަދި 6،135 ޝަކުވާ ވައިބާ މެދުވެރިކޮށް ލިބިފައިވާ ކަމަށް ސްޓެލްކޯއިން ބުންޏެވެ.
”ކުރިން ވެސް ހާމަކޮށްފައިވާ ގޮތުން ހުރިހާ ޝަކުވާއަކަށް ވެސް 24 ގަޑި އިރުތެރޭ އެޓެންޑުވުމަށް ދަނީ މަސައްކަތް ކުރެވެމުން“ ސްޓެލްކޯއިން ބުންޏެވެ.
މިދިޔަ މަހުގެ ކަރަންޓު ބިލް އާދަޔާހިލާފަށް ބޮޑުވެފައިވާ ކަމަށް ބުނެ ބައެއް މީހުން ވަނީ ކަންބޮޑުވުންފާޅުކޮށްފައެވެ. އަދި ވަނީ ސްޓެލްކޯ ކައިރީގަ މުޒާހަރާ ވެސް ކޮށްފަ އެވެ.
އެހެންވެ ސްޓެލްކޯއިން ވަނީ ބިލުތަކާ ގުޅޭގޮތުން ޝަކުވާ ހުށަހެޅޭނެ އިންތިޒާމު ހަމަޖައްސައިދީފައެވެ.
އެގޮތުން ސްޓެލްކޯގެ ކަސްޓަމާ ސާވިސް އެންޑް ބިލްޑިންގެ ނަމްބަރު 7788438 އަށް ވަޓްސްއެޕް ނުވަތަ ޓެލެގްރާމް މެދުވެރިކޮށް ޝަކުވާ ހުށަހެޅޭނެ އިންތިޒާމު ވަނީ ހަމަޖައްސައިދީފައެވެ.
ގުޅުންހުރި
ދިއްފުށީގައި ހަދާނީ އެންމެ ޒަމާނީ އިންޖީނުގެއެއް، ބުރޫނާރައި މަސައްކަތް ކުރިއަށްދާނެ: ފަހުމީ
ފަލަސްތީން ޓެލެތޯން އަށް ސްޓެލްކޯ އިން ބައި މިލިއަން ރުފިޔާ ހަދިޔާކޮށްފި
ސްޓެލްކޯއިން 500،000 ގަސް އިންދުމުގެ ޕްރޮގްރާމެއް ފަށައިފި
ކޮޅިގަނޑެއްގައި ޖެހުނު ކުދީންތަކެއް ސަލާމަތް ކޮށްދިން ސްޓެލްކޯ މުވައްޒަފުންނަށް ސާބަސް!
ރޯދަމަހު ބޭނުންކުރި ކަރަންޓަށް ޑިސްކައުންޓް ދޭން ނިންމައިފި: ފަހުމީ
ބިލްތަކުން ޑިސްކައުންޓު ދިނީ ރައީސް ވައުދުވެވަޑައިގެންނެވި ގޮތަކަށް ނޫން: ރައީސް އޮފީސް