ހުނަރާއި ތަޖުރިބާ ހޯދައި ދޭން އާރުޑީސީން ހިންގާ ބިނާވެހި ޕްރޮގްރާމްގެ ދެވަނަ ބުރު ފަށައިފި

ރޯޑް ޑިވެލޮޕްމެންޓު ކޯޕަރޭޝަން (އާރުޑީސީ) އިން ކުރިއަށް ގެންދާ ބިނާވެހި ޕްރޮގްރާމުގެ ދެވަނަ ބުރު މިއަދު ފަށައިފި އެވެ.

ބިނާވެހި ޕްރޮގުރާމް ހާއްސަކޮށްފައިވަނީ ސާނަވީ އިމުތިހާނަށްފަހު މަތީ ސާވަނީ ތައުލީމު ފެށުމާއި ދޭތެރޭ ނުވަތަ މަތީ ސާނަވީ އިމްތިހާނަށްފަހު ކޮލެޖުތަކުގައި ކިޔަވަމުންދާ ދަރިވަރުންނަށް ނުވަތަ ތައުލީމު ދޭ މަރުކަޒުތަކަށް ހާޒިރުނުވާ މީހުންނަށެވެ.

މި ޕްރޮގްރާމުގެ މަގުސަދަކީ މަސައްކަތުގެ މާހައުލަށް ހާނުވައި، މަސައްކަތުގެ މާހައުލަށް ނުކުންނަންވާއިރަށް ދާއިރާގައި ތަޖުރިބާ ހުރި ފަރާތްތަކާއެކު މަސައްކަތް ކުރުމުގެ ފުރުސަތު ހޯދައިދިނުމެވެ.

އާރުޑީސީން ބުނީ، ބިނާވެހި ޕްރޮގްރާމްގެ ދެވަނަ ބުރުގައި ޖުމުލަ ހަ ބައިވެރިން ބައިވެރިވާ ކަމަށެވެ. ހަ މަސް ދުވަހަށް ކުރިއަށްގެންދާ ޕްރޮގްރާމުގައި ކޮންމެ ބައިވެރިއަކަށް 5000 ރުފިޔާގެ އެލަވަންސް އެއް ދޭނެ ކަމަށްވެސް ބުންޏެވެ.