ޖިނާއީ ކުށްތަކާ ގުޅިގެން ކޯޓުން އިއްވާ ޖޫރިމަނާގެ ފައިސާ ނުދައްކާ މީހުންގެ އަދަބު ޖަލު ހުކުމަކަށް ބަދަލުކުރަން ކޯޓުގައި އެދުމުގެ މަސައްކަތް ފަށާފައިވާ ކަމަށް ޕްރޮސިކިއުޓާ ޖެނެރަލް (ޕީޖީ) އޮފީހުން ބުނެފި އެވެ.
ޕީޖީ އޮފީހުން މިއަދު ބުނީ ޖިނާއީ މައްސަލައެއްގައި ކޯޓުން ޖޫރިމަނާގެ އަދަބެއް ކަނޑައަޅަނީ އިސްތިސްނާ ހާލަތެއްގައި ކަމަށްވާއިރު، އެގޮތަށް ޖޫރިމާނާގެ އަދަބެއް ކޯޓުން ކަނޑައަޅަނީވެސް ފައިސާ ދެއްކޭނެކަން ކަށަވަރު ކުރުމަށްފަހު ކަމަށެވެ. އެހެންކަމުން ޖޫރިމާނާގެ ފައިސާ ނުދެއްކުމަށް ދެއްކޭނެ ހުއްޖަތެއް ނޯންނާނެ ކަމަށް ބުންޏެވެ.
ޕީޖީ އޮފީހުން ބުނީ، ގާނޫނުލްއުގޫބާތުން ދީފައިވާ އެ ލުއި ނަހަމަގޮތުގައި ބޭނުންކުރަމުން އަންނަ ކަމަށާއި ޖޫރިމަނާ ނުދެއްކުމުން ނުކުންނާނެ ނަތީޖާއަކީ ކޯޓުން އެ މީހަކަށް އެ ކުރި ކުށަށް އަދަބު ނުލިބުން ކަމަށެވެ.
އެހެންވެ ޖިނާއީ ކުށަކާ ގުޅިގެން ކަނޑައަޅާ ޖޫރިމަނާގެ ފައިސާ ކަނޑައެޅިފައިވާ މުއްދަތުގައި ނުދައްކާކަން މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ޕީޖީ އޮފީހަށް އަންގާ ތާރީހުން ފެށިގެން 30 ދުވަހުގެ ތެރޭގައި ކަނޑައެޅިފައިވާ އަދަބު ކުށުގެ އަސްލީ އަދަބު ކަމަށްވާ ޖަލު އަދަބަށް ބަދަލުކުރުމަށް އެދި ހުށަހަޅާނެ ކަމަށް ޕީޖީ އޮފީހުންޝަ ބުންޏެވެ.

ގުޅުންހުރި
ރައީސް، ފިޔާޒަށް ގުޅައި އިންޒާރެއް ނުދެއްވާ، ދައުވާއެއް ނުކުރެވޭނެ: ޕީޖީ އޮފީސް
ޑްރަގް ވިޔަފާރިވެރިން ހޯދި އެއް މިލިއަން ރުފިޔާއާއި 12 ވެހިކަލާއި 38
މަޝްއަރުގެ ވެރިޔާއަށް މަނީ ލޯންޑަރިންނާއި ޓެކުމުގެ ހަ ދައުވާއެއް، ސާބިތުވެއްޖެ ނަމަ
ވާނުވާ ބަންދުގައި ތިބީ ނުރައްކާތެރި ކުށްވެރިން، ދޫކޮށްފިނަމަ މުޖުތަމައަށް ނުރައްކާވާނެ: ސީޕީ
ދަރިފުޅާއި އިތުރު ކުއްޖަކަށް ޖިންސީ ގޯނާކުރި ކަމުގެ ތުހުމަތުވާ މީހަކު މިނިވަންކޮށްފި
އުމްރާއަށް ގެންދަން ނެގި ފައިސާއަށް ހިޔާނާތްތެރިވި މައްސަލާގައި މަޝްއަރުގެ ވެރިޔާއަށް ދައުވާކުރަނީ