ރާއްޖެ-އެމެރިކާގެ ޓްރޭޑް އެންޑް އިންވެސްޓްމަންޓް ފްރޭމްވޯކް އެގްރީމަންޓް (ޓީއައިއެފްއޭ) ކައުންސިލުގެ ތިންވަނަ ބައްދަލުވުން އެމެރިކާގެ، ވޮޝިންޓަންގައި މިދިޔަ ބުދަ ދުވަހު ބާއްވައިފި އެވެ.
އެބައްދަލުވުމުގައި ކޯޗެއާއެއްގެ ގޮތުގައި އިކޮނޮމިކް މިނިސްޓަރު މުހައްމަދު ސައީދު ވަނީ ބައިވެރިވެވަޑައިގެންފަ އެވެ. އެ ބައްދަލުވުމުގައި އެމެރިކާއިން ދެކުނު އަދި ސެންޓަރަލް އޭޝިއާއަށް ކަނޑައަޅާފައި ހުންނަވާ ޔުނިއިޓެޑް ސްޓޭޓްސް ޓްރޭޑް ރެޕްރެޒެންޓޭޓިވް އެސިސްޓެންޓް، ބްރެންޑަން ލިންޗް ވެސް ބައިވެރިވެ ވަޑައިގަތެވެ.
ރައީސް އޮފީހުން މިއަދު ބުނީ އެ ބައްދަލުވުމުގައި މައިގަނޑު ގޮތެއްގައި މަޝްވަރާކޮށްފައިވަނީ ދެ ގައުމުގެ ކުރިއެރުމަށް އިގްތިސޯދީ ގުޅުމާއި ވިޔަފާރި އާއި އިންވެސްޓްމަންޓް ގުޅުން އިތުރަށް ބަދަހިކުރުމުގެ މުހިންމުކަމާ ގުޅޭގޮތުން ކަމަށެވެ. އަދި ބައިނަލްއަގުވާމީ ކޮމާޝަލް ޕްލެޓްފޯމްތަކާއި ޕޭމަންޓް ސިސްޓަމް ސޮލިއުޝަންތަކުގެ ފައިދާ ހޯދުމަށް ޑިޖިޓަލް ކޮންޓެންޓް ކްރިއޭޓަރުންނާއި އާޓިސްޓުންނާއި ވިޔަފާރިވެރިންނަށް ވެދެވޭނެ އެހީތެރިކަމަށް ރާއްޖެއިން އަލިއަޅުވާލައި މަޝްވަރާކޮށްފައިވާ ކަމަށް ރައީސް އޮފީހުން ބުންޏެވެ.
ދެން މަޝްވަރާކޮށްފައިވަނީ މަސައްކަތްތެރިންގެ ހައްގުތަކާއި ޑިޖިޓަލް ވިޔަފާރި އާއި ތިމާވެށީގެ ދާއިރާއިން ދެމެހެއްޓެނިވި ގޮތެއްގައި އެއްބާރުލުން އިތުރުކުރުމާ ގުޅޭގޮތުން ކަމަށް ރައީސް އޮފީހުން ބުންޏެވެ.
އަދި އެ ބައްްދަލުވުމުގައި ރާއްޖޭގެ ފަރާތުން ރައީސް މުހައްމަދު މުއިއްޒުގެ އިގްތިސޯދީ ތަސައްވުރު ހުށަހަޅައި އެމެރިކާގެ އެއްބާރުލުމަށް އެދިފައިވާ ކަމަށް ރައީސް އޮފީހުން ބުންޏެވެ.

2 Comments
ގުޅުންހުރި
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ރައްޔިތުންނާ ގުޅުން ބަދަހިކުރަން ރައީސް މުއިއްޒު ޕޮޑްކާސްޓެއް ފައްޓަވަނީ
ތެލެސީމިއާ ސެންޓަރުގެ ކަންކަން ހައްލުކުރަން ވަރުގަދަ ފިޔަވަޅުތަކެއް އަޅަން ރައީސް އަންގަވައިފި