ދަ ޑިމޮކްރެޓިކްސް، މޯލްޑިވްސް ތާޑްވޭ ޑިމޮކްރަޓިކް (އެމްޓީޑީ) އަދި މޯލްޑިވްސް ނެޝަނަލް ޕާޓީ (އެމްއެންޕީ) ޖޫރިމަނާކޮށްފި އެވެ.
ސިޔާސީ ޕާޓީތަކުގެ ބެލެނިވެރި ފަރާތް، އިލެކްޝަންސް ކޮމިޝަން (އީސީ) އިން މިއަދު ބުނީ، އެއިން ކޮންމެ ޕާޓީއެއް 50،000 ރުފިޔާއިން ޖޫރިމަނާ ކުރަން ނިންމީ ސިޔާސީ ޕާޓީތަކުގެ ގާނޫނުގައިވާ ގޮތުގެ މަތިން އޮޑިޓް ރިޕޯޓް ހުށަހަޅައިފައިނުވާތީ ކަމަށެވެ.
ކޮންމެ މީލާދީ އަހަރެއް ނިމޭތާ ގިނަވެގެން 90 ދުވަހުގެ ތެރޭގައި، ޕާޓީގެ އަހަރީ ހިސާބުތައް އޮޑިޓާ ޖެނެރަލް ގަބޫލުކުރާ އޮޑިޓަރަކު މެދުވެރިކޮށް އޮޑިޓްކުރުމަށްފަހު، އޮޑިޓް ރިޕޯޓް އީސީ އަދި އޮޑިޓާ ޖެނެރަލަށް ހުށަހަޅަންވާނެ ކަމަށް ސިޔާސީ ޕާޓީ ގާނޫނުގެ 42 ވަނަ މާއްދާގައި ވަނީ ބަޔާންކޮށްފައިވެ އެވެ.
އީސީ އިން އާންމުކޮށްފައިވާ މައުލޫމާތަށް ބަލާއިރު، މި އަހަރުގެ 25 އޭޕްރިލްގެ ނިޔަލަށް އެމްޓީޑީގައި ތިބީ 2،388 މެންބަރުންނެވެ. އަދި އެމްއެންޕީގައި 7،656 މެންބަރުން ތިބި އިރު، ދެ ޑިމޮކްރެޓްސްގައި ތިބީ 4،364 މެންބަރުންނެވެ.
ގުޅުންހުރި
ފުއާދުގެ ދައުރު ހަމަވާތީ އީސީއަށް އާ މެންބަރަކު ހޯދަނީ
މެންބަރުން ހަމަނުވެގެން އެމްއާރްއެމް އުވާލަން އަނެއްކާވެސް ނިންމައިފި
ސިޔާސީ ޕާޓީތަކަށް 44 މިލިއަން ރުފިޔާ ދޫކޮށްފި، ސަރުކާރު ކޯލިޝަނަށް 18
ދެން ބާއްވާ ރިޔާސީ އިންތިހާބަކާއި މަޖިލިސް އިންތިހާބު ވެސް އެމްޑީޕީން ކާމިޔާބު
ދެ އިންތިހާބުން ނާކާމިޔާބުވިޔަސް އިސްތިއުފާ ދިނުމުގެ ވިސްނުމެއް ލީޑާޝިޕުގައި ނެތް: ފައްޔާޒު
ޑިމޮކްރެޓްސްގެ ހަރުގެ ހުސް ކުރަން ފަށައިފި