ދިވެހި އަންހެނަކާ ކައިވެނި ކޮށްގެން އުޅޭ ބިދޭސީ ފިރިހެނަކު ހިންގަމުންދިޔަ ހަށިވިއްކާ ނެޓްވޯކެއް އަތުލައިގެންފައިވާ ކަމަށް މޯލްޑިވްސް އިމިގްރޭޝަނުން ބުނެފި އެވެ.
އިމިގްރޭޝަނުން މިއަދު ބޭއްވި ނޫސްވެރިންގެ ބައްދަލުވުމުގައި ޑެޕިއުޓީ ޗީފް އިމިގްރޭޝަން އޮފިސަރު މުހައްމަދު ޝިފާން ވިދާޅުވީ، އެ ނެޓްވޯކު އަތުލައިގަނެފައިވަނީ މި ފަހުން ހިންގި ރެއިޑްތަކުގެ ތެރެއިން ކަމަށެވެ. އަދި ހަށިވިއްކުމުގެ އެ ނެޓްވޯކުގެ ތެރޭގައި ހިމެނޭ ހުރިހާ މީހުން މިހާރު ވަނީ ޑީޕޯޓް ކޮށްލާފައިވާ ކަމަށްވެސް ވިދާޅުވި އެވެ.
”އޭގެ ތެރެއިން އެއް ކޭސްމީ އިނގޭތޯ. މި މައްސަލައިގައި މި ހިމެނޭ ބިދޭސީ ފަރާތަކީ ދިވެއްސަކާ ކައިވެނި ކޮށްގެން އޭރު އުޅުނު މެރީޖް އޮފް ކޮންވީނިއަންސް ހަގީގަތުގައި މި ކަންކަމުގެ މި ހިމެނެނީ. އާރިފް ކަމަދާން ކިޔާ ބަންގްލަދޭޝް ފިރިހެނެއް މީނަ 2019 އިން ފެށިގެން މި ފޮނުވާލުމާ ހިސާބަށް 23 އަންހެނަކު ދިވެހިރާއްޖެ އެތެރެކޮށް ހަށިވިއްކުމުގެ ކަންކަމުގައި ގެންގުޅެފައިވާ ކަމަށް އަޅުގަނޑުމެންނާއި ޕޮލިހުންނާ ކުރި މަސައްކަތުން ފާހަގަވި“ ޝިފާން ވިދާޅުވި އެވެ.
އޭނާ ވިދާޅުވީ ބަންގްލަދޭޝަން އަދި އިންޑިއާގެ ބައެއް މީހުން، ޔޫރަޕަށް ދިއުމުގެ ގޮތުން ރާއްޖެ ޓްރާންޝިޝަން ޑެސްޓިނޭޝަނެއްގެ ގޮތުގައި ބޭނުން ކުރަމުންދާ ކަމަށެވެ. އެކަން ކުރަނީ ރާއްޖެއަށް އެތެރެވުމަށްފަހު ޔޫރަށްދާ ނަމަ، އެ ބައްރުގެ ގައުމުތަކަށް އެތެރެވުމަށް ފަސޭހަ ވެގެންދާތީ އެކަމުގެ ފައިދާ ނެގުމަށް ކަމަށާއި އެފަދަ ބައެއް މީހުން ހުއްޓުވާފައިވާނެ ކަމަށްވެސް ވިދާޅުވި އެވެ.

ގުޅުންހުރި
އިމިގްރޭޝަންގެ އޮފިސަރުން ބިދޭސީ މީހާގެ އަތުން ފައިސާ އަތުލީ ސައްހަ ލިޔުންތައް
ޝަމްއާންގެ ބަންދަށް 15 ދުވަސް ޖެހި މައްސަލަ ހައިކޯޓަށް
ޝަމްއާންގެ އަނބިކަނބަލުންގެ ފޯނު ހިފަހައްޓައި 2 މީހަކު ފުރުން މަނާކޮށްފި
ބިދޭސީންގެ އަތުން ފައިސާ ނެގި ތުހުމަތުކޮށް ޝަމްއާންގެ ގެ ބަލައިފާސްކޮށްފި
އިމިގްރޭޝަން ކޮންޓްރޯލާގެ މަގާމަށް ކުރީގެ ޕޮލިސް ކޮމިޝަނަރު ފަސީހު އައްޔަންކުރައްވައިފި
އެޕްރީލް މަހުގެ 20 ގެ ކުރިން ބަޔާމެޓްރިކްސް ނުދޭ ބިދޭސީން ޑީޕޯޓް