އައްޑޫ ޕޮލިސް ކޮލެޖުގެ ގިނަ ދަރިވަރުންތަކެއް ކުއްލި ގޮތަކަށް ބަލިވެ، ފަރުވާ ދެނީ

އައްޑޫގައި ހުންނަ ޕޮލިސް ކޮލެޖުގެ ގިނަ ދަރިވަރުންތަކެއް ބަލިވެ އައްޑޫ އިކުއެޓޯރިއަލް ހޮސްޕިޓަލުގައި އެޑްމިޓް ކޮށްގެން ފަރުވާ ދެމުންދާ ކަމަށް ފުލުހުން ބުނެފި އެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނީ، އެކަން ދިމާވި ސަބަބު ހޮސްޕިޓަލް މެދުވެރިކޮށް ބަލަމުންދާ ކަމަށެވެ.

ނަމަވެސް ފަރުވާ ދެމުންދަނީ ކިތައް ދަރިވަރުންނަށް ކަމެއް ފުލުހުން ނުބުނެ އެވެ.

މައުލޫމާތު ލިބިފައިވާ ގޮތުގައި ދަރިވަރުންތަކެއް ބަލިވީ ކާނާ ވިހަވެގެންނެވެ. ނަމަވެސް އެކަމާ ގުޅޭ ގޮތުން އައްޑޫ އިކުއެޓޯރިއަލް ހޮސްޕިޓަލުން އަދި ވަކި އެއްޗެއް ހާމައެއް ނުކުރެ އެވެ.