އިންޑިއާގެ ޖަންގަލި ތެރޭގައި ޗޭނު ޖަހާފައި އިން އެމެރިކާ އަންހެނަކު ފެނިއްޖެ އެވެ.
އުމުރުން 50 އަހަރުގެ ލަލީތާ ކާއީ ފެނުނީ މީގެ ހަފުތާއެއްހާ ދުވަސް ކުރިން އިންޑިއާގެ މަހާރާޝްތްރާ ސްޓޭޓުގައި އޮންނަ ބޯ ޖަންގަލި ތެރޭގައި ގަހަކަށް ޗޭނު ޖަހާފައި އިންދަ އެވެ. ކާއީ ސަލާމަތްކުރީ އެހީއަށް އެދި އޭނާ ހަޅޭއްލަވާ އަޑު އެ ސަރަހައްދުން ދިޔަ ގެރި ބަކަރި ގެންގުޅޭ ބަޔަކަށް އަޑުއިވިގެން ފުލުހުންނަށް ރިޕޯޓް ކުރުމުންނެވެ.
ރިޕޯޓްތައް ބުނާ ގޮތުން ކާއީ ފެނުނުއިރު އޭނާ އިނީ ކާކުކަންވެސް ނޭނގޭ ވަރަށް ހިކި އަނަރޫފަވެފަ އެވެ. ނަމަވެސް އެއީ ކާކުކަން ދެނެގަނެވުނީ އޭނާގެ އަތުގައި ޕާސްޕޯޓުގެ ކޮޕީއަކާއި އިންޑިއާ ރައްޔިތުންގެ އަތުގައި އޮންނަ ކަހަލަ އައިޑީއެއް އޮތުމުން ކަމަށް ރިޕޯޓްތައް ބުނެ އެވެ.
ކާއީއަށް ފަރުވާ ދިން ޑޮކްޓަރުންނާ ހަވާލާދީ ބީބީސީގައި ބުނެފައިވާ ގޮތުން އޭނާ މިހާރު ދަނީ ރަނގަޅުވަމުންނެވެ. އަދި މިދިޔަ ހުކުރު ދުވަހު ސައިކޭޓްރިކް ފެސިލިޓީއަކަށް ބަދަލުކޮށްފައިވާ ކަމަށް ބުންޏެވެ.
ކާއީ ފުލުހުންނަށް ދިން ބަޔާނުގައި ބުނެފައިވާ ގޮތުން، ޖަންގަލި ތެރެއަށް ގެންގޮސް ޗޭނު ޖެހީ އޭނާގެ ފިރިމީހާ އެވެ. އަދި ކާއީ ދިން މައުލޫމާތުގެ މައްޗަށް އޭނާގެ ފިރިމީހާ ހޯދުމުގެ މަސައްކަތް އިންޑިއާގެ ފުލުހުން ދަނީ ކުރަމުންނެވެ.

3 Comments
ގުޅުންހުރި
މިނިވަންދުވަހުގެ ރަސްމިއްޔާތުގައި ބައިވެރިވެވަޑައިގަތުމަށް ހުކުރު ދުވަހު މޯދީ ރާއްޖެ ވަޑައިގަންނަވަނީ
70،000 ރުފިޔާ ރިޓާޔަމެންޓް އެލެވެންސްގެ ގޮތުގައި މުއުތަސިމްއަށް ނުދޭން ނިންމައިފި
މާންދީ ދެއްކި ވާހަކައިގެ ސަބަބުން ރައީސްގެ ދަރިކަލުންގެ އަބުރު ގެއްލުނު ކަން
އުފަންވި އިރު ހަށިގަނޑުގައި މަސްތުވާތަކެތީގެ އަސަރު، ކުއްޖާގެ މަންމަ ހޯދުމުގެ މަސައްކަތް
އަނބިމީހާ/ ފިރިމީހާއަށް ގޯތި ލިބުނަސް ފްލެޓް ލިސްޓުން އުނި ނުކުރަން ނިންމައިފި
ކޯމާ އެއްގައި 20 އަހަރު އޮންނެވުމަށް ފަހު ސައުދީގެ ”ސްލީޕިން ޕްރިންސް“