މާލެ އަށް ބޭސްފަރުވާއަށް އައިސް ހުރި އުމުރުން ދުވަސްވީ މީހަކު ބަނުމަށްފަހު ފޭރިއްޖެ އެވެ.
ފުލުހުން މީޑިއާތަކަށް ފޮނުވި މެސެޖެއްގައި ބުނީ، އުމުރުން 62 އަހަރުގެ އެ މީހާގެ އަތުން ފޭރުނީ އޭނާ ކުއްޔަށް ހުރި ކޮޓަރިއަށް ދެ މީހަކު ވަދެ ބިރު ދެއްކުމަށްފަހު ކަމަށެވެ. އަދި އެ މީހާގެ ފޯނާއި ފައިސާ ފޭރުނު ކަމަށްވެސް ބުންޏެވެ.
ފުލުހުން ބުނި ގޮތުގައި އެ މައްސަލަ އެ އިދާރާއަށް ހުށަހެޅީ އިއްޔެ އެވެ. ނަމަވެސް އެ މައްސަލައިގައި އަދި މީހަކު ހައްޔަރުކޮށްފައި ނުވާ ކަމަށް ބުންޏެވެ.
މި މައްސަލައިގައި ފޭރުނީ ކިހާ އަދަދެއްގެ ފައިސާއެއް ކަމެއް ފުލުހުން ނުބުނެ އެވެ.
އެ ހާދިސާގައި އަނިޔާ ލިބުނު މީހާގެ ދަރިފުޅު ބުނީ، އޭނާގެ ބައްޕަ އަތުން ފޭރުނީ އަތްފައި ބަނުމަށްފަހު ކަމަށެވެ. އަދި އަތަށް ލިބިފައި ހުރި އަނިޔާގެ ފޮޓޯއެއްވެސް ސޯޝަލް މީޑިއާގައި އާންމުކޮށްފައިވެ އެވެ.
29 Comments
ގުޅުންހުރި
ފޭކު ސްލިޕު ފޮނުވައިގެން ޒައިދާންއާއި އޭނާގެ އަންހެނުން ހައްޔަރުކޮށްފި
މާލޭ ގެއެއްގެ ދެވަނަ ބުރިން އަންހެނަކު ވެއްޓި ފަރުވާދެނީ
އެކްސިޑެންޓެއްވުމުން މަޑުނުކޮށް ދިޔަ މީހަކު ހައްޔަރުކޮށްފި
ފިހާރައެއް ފަޅާލައި ވަގަށްނެގި ތަކެތި ވަޅުލައިފައި ހުއްޓާ ހޯދައިފި
މަޖިލީހުގެ 65 މެންބަރަކާއި ސިފައިންނާއި ފުލުހުންގެ 80 ޕަސެންޓް ޖެމްކިއު ބޭނުންކުރޭ:
ރައުދު ރާއްޖެއިން ބޭރަށް ފުރި ކަމަށް ބުނާ ވާހަކަ ފުލުހުން ދޮގުކޮށްފި