ލޭބާ ރިލޭޝަންސް އޮތޯރިޓީ، ހޯމް މިނިސްޓްރީގެ ދަށަށް ބަދަލުކުރަން ރައީސް ޑރ. މުހައްމަދު މުއިއްޒު ނިންމަވައިފި އެވެ.
ރައީސް އޮފީހުން މިއަދު ބުނީ ރައީސްގެ އެ ނިންމެވުމަކީ ގާނޫނުއަސާސީގެ 116ވަނަ މާއްދާއިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިހްތިޔާރުގެ ދަށުން ނިންމެވި ނިންމުމެއް ކަމަށެވެ.
”ލޭބާ ރިލޭޝަންސް އޮތޯރިޓީއަކީ، 2024 އޮގަސްޓު 6ވަނަ ދުވަހުން ފެށިގެން، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި ރައީސުލްޖުމްހޫރިއްޔާ ޑޮކްޓާ މުހައްމަދު މުއިއްޒު ހަމަޖައްސަވައިފިއެވެ. ރައީސުލްޖުމްހޫރިއްޔާ މިކަން ހަމަޖެއްސެވިކަން އަންގަވާފައިވަނީ މިއަދު ރައީސުލްޖުމްހޫރިއްޔާގެ އޮފީހުން ނެރުއްވި ދެންނެވުމުގައެވެ.“ ރައީސް އޮފީހުން ބުންޏެވެ.
ރައީސް މުއިއްޒު، އެގޮތަށް އެ ނިންމުން ނިންމެވީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމާގުޅޭގޮތުން ވަޒީރުންގެ މަޖިލީހުގައި މަޝްވަރާކުރެއްވުމަށްފަހު، ލޭބާ ރިލޭޝަންސް އޮތޯރިޓީއަކީ، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި ހަމަޖެއްސެވުމަށް ވަޒީރުންގެ މަޖިލީހުން ލަފާދެއްވައިފައިވާތީ ކަމަށް ރައީސް އޮފީހުން ބުންޏެވެ.
ލޭބާ ރިލޭޝަންސް އޮތޯރިޓީ މީގެ ކުރިން ހިނގަމުން އައީ މިނިސްޓްރީ އޮފް ހަޔާ އެޑިޔުކޭޝަން، ލޭބާ އެންޑް ސްކިލްސް ޑިވެލޮޕްމަންޓްގެ ދަށުންނެވެ.

1 Comment
ގުޅުންހުރި
ފިތުރު އީދު ދުވަހު ރައީސްގެ ދެކަނބަލުން އީދު ސަލާން ކުރައްވަނީ
މިނިސްޓަރުންގެ ”އަހާ“ ފޯރަމް ނުބާއްވާތާ 9 މަސް ފަހުން މާދަމާ ރޭ
ސީރިއާގެ ވެރިކަންކުރާ އެޗްޓީސީއަކީ ޓެރަރިސްޓު ޖަމާއަތެއް ކަަމަށް ނިންމި ނިންމުން ދަމަހައްޓައިފި
ސުނާމީ ކާރިސާގައި ނިޔާވި މީހުންގެ ހަނދާނުގައި ސުކޫތެއް ބާއްވައިފި
ވަކިކުރި ސިޔާސީ މުވައްޒަފުންގެ މައުލޫމާތު އާންމުކުރަން އައިކޮމުން އަންގައިފި
”ގައުމީ ކުޅިވަރު ފަންޑު“ ގާއިމުކުރުމަށް ރައީސް ނިންމަވައިފި