މިދިޔަ އަހަރުގެ އޭޕްރީލް 7، ގައި މަރާލާފައި އޮއްވާ ފެނުނު، ނ. މަނަދޫ، އަންނާރުމާގެ، ނައީމާ މޫސާ މަރާލި ކަމަށް ތަހުގީގުގައި ކުށަށް އިއުތިރާފުވި އަހުޒަމް އަބްދުލްޝަކޫރު، ކުރިމިނަލް ކޯޓުގެ ޝަރީއަތުގައި އޭނާގެ މައްޗަށް އުފުލާފައިވާ ދައުވާތަކަށް އިންކާރުކޮށްފު އެވެ.
ނައީމާގެ މަރުގެ މައްސަލައިގައި އަހުޒަމްގެ އިތުރުން ހުސައިން ފަވާޒާއި އަބްދުލްވާހިދު ރިފާސްގެ މައްޗަށް ދައުވާކުރީ އެވެ. އެ ދައުވާތަކަކީ ތޫނު އެއްޗެއް ބޭނުންކޮށްގެން ގަސްތުގައި މީހަކު މެރުމުގެ ދައުވާއާއި، އިންސާފު ގާއިމު ކުރުމަށް ހުރަސް އެޅުމުގެ ދައުވާ، އަދި މައްޔިތާގެ ބޭނުން ނަހަމަ ގޮތުގައި ހިފުމުގެ ދައުވާ ކަމަށް ދައުލަތުން ކުރިން ބުނެފައިވެ އެވެ.
އެ މައްސަލައިގައި މިއަދު ކްރިމިނަލް ކޯޓުގައި ބޭއްވި ޝަރީއަތުގެ އަޑުއެހުމުގައި ދައުލަތުން ވަނީ އެ ތިން މީހުންގެ މައްޗަށް ދައުވާ އުފުލައިފަ އެވެ. އަހުޒަމްގެ މައްޗަށް ދައުވާތައް އިއްވައި ނިމުމުން، ދައުވާއަށް ޖަވާބުދާރީވާން ލިބުނު ފުރުސަތުގައި އޭނާ ވަނީ ދައުވާއަށް އިންކާރުކޮށްފަ އެވެ.
އަހުޒަމްގެ ފަރާތުން ވާހަކަދައްކަވަމުން ދިފާއީ ވަކީލު ވިދާޅުވީ ދައުލަތުން އިއްވި ދައުވާތަކުގައި ބަޔާންކޮށްފައިވާ ކުށްތައް އަހުޒަމް ކޮށްފައިނުވާނެ ކަމަށެވެ.
ދައުވާތަކަށް ޖަވާބުދާރީވަމުން ފަވާޒް ވެސް ދައުވާއަށް އިންކާރުކޮށްފަ އެވެ. ރިފާސްއަށް ދައުވާއަށް ޖަވާބުދާރީވާން އެންގުމުން އޭނާ ބުނީ ދައުވާއަށް އިންކާރުކުރާ ކަން ނުވަތަ އިއުތިރާފުވާ ކަން ވެސް ބުނެވެން އޮތީ ވަކީލާ ބައްދަލުވެ އަދި އިތުރަށް މަޝްވަރާކޮށްގެން ކަމަށެވެ.
ނައީމާގެ މަރުގެ މައްސަލައިގައި މީހަކު ހައްޔަރުނުކުރެވި، ގިނަ ދުވަސްތަކެއް ވެފައި އޮއްވައި، އަހުޒަމް ހައްޔަރުކުރީ މަސްތުވާތަކެތީގެ މައްސަލައެއްގަ އެވެ. ބަންދުގައި ގޮޅީގައި ހުއްޓައި، އޭނާ މަރުގެ މައްސަލައިގައި ތަހުގީގަށް އެއްބަސްވެ މައުލޫމާތު ދީފައިވާ ކަމަށް މީގެ ކުރިން ފުލުހުން ބުނެފައިވެ އެވެ.
ފަވާޒާއި ރިފާސް ހައްޔަރުކުރީ އޭނާގެ ފަރާތުން ލިބުނު މައުލޫމާތުގެ އަލީގައި ކަމަށާއި ނައިމާ މަރާލުމަށް ބޭނުންކޮށްފައިވާ އާލާތްތަކާއި އޭރު ތިން މީހުން ވެސް ލައިގެން ހުރި ޓީޝާޓު އަންދާލާފައި އޮއްވައި ފުލުހުން ވަނީ ހޯދައިފަ އެވެ.

11 Comments
ގުޅުންހުރި
އެއާޕޯޓް ޓާމިނަލް ހަދާ ބިދޭސީންގެ މެދުގައި ބޮޑު މާރާމާރީއެއް، ގިނަ ބަޔަކަށް
ހިތަދޫ އާރިކިޅި ތެރެއިން މަރުވެފައި އޮތް މީހަކު ފެނިއްޖެ
ކުރީގެ އަނބިމީހާއަށް ބިރު ދައްކައި ބްލެކްމެއިލް ކުރުމުގެ ތުހުމަތުގައި މީހަކު ހައްޔަރުކޮށްފި
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ކޮފީފުޅި ވަގަށް ނެގި މީހަކު ހަތް ދުވަހަށް، ދަވާދު ދަޅެއް ވަގަށް
ގެއްލިގެން ހޯދަން އިއުލާނު ކުރި މީހަކު ޑްރަގް އެތެރެކުރަނިކޮށް ހައްޔަރުކޮށްފި