ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ފަލަސްތީނަށް ހަދިޔާ ކުރަން ނިންމި ދެ މިލިއަސް މަސްދަޅުގެ ފުރަތަމަ ޝިޕްމެންޓް މިމަހު 15 ގައި ފޮނުވާނެ ކަމަށް ރައީސް އޮފީހުން ބުނެފި އެވެ.
ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމެއްގައި ހީނާ ވިދާޅުވީ ދެ މިލިއަން މަސްދަޅު ފޮނުވުމަށް ހަމަޖެހިފައިވަނީ ދެ ޝިޕްމެންޓަކަށް ބަހާލައިގެން ކަމަށެވެ. އެގޮތުން މިމަހު 15 ގައި ފޮނުވާ ފުރަތަމަ ޝިޕްމެންޓް ފަލަސްތީނަށް ލިބޭނީ 40 ދުވަސް ފަހުން ކަމަށް ހީނާ ވިދާޅުވި އެވެ.
ހީނާ ވިދާޅުވީ ފަކަސްތީނުގެ ރައްޔިތުންނަށް އެހީވުމުގެ ގޮތުން ހަދިޔާކުރަން ނިންމި އެ ދެ މިލިއަން މަސްދަޅުތައް ފޮނުވާނީ މިސްރުގެ ރެޑް ކްރެސެންޓް މެދުވެރިކޮށް ކަމަށެވެ. ހީނާ ވިދާޅުވީ އޭގެ ފަހުން މިސްރުގެ ރެޑް ކްރެސެންޓުން ފަލަސްތީނުގެ ރެޑްކްރެސެންޓާ ހަވާލުކުރާނެ ކަމަށެވެ.
ރާއްޖެއިން ފަލަސްތީނަށް ދެމިލިއަން މަސްދަޅު ހަދިޔާ ކުރެއްވުމަށް ސަރުކާރުން ނިންމިކަން އިއުލާންކުރީ 2023 އޮކްޓޫބާ 24 ގަ އެވެ.
އެއިރުގެ ފޮރިން މިނިސްޓަރު އަބްދުﷲ ޝާހިދު އެކްސްގައި ކުރެއްވި ޕޯސްޓެއްގައި ވިދާޅުވެފައިވަނީ ފަލަސްތީންގެ ރައްޔިތުން، އެބައިމީހުންގެ ވަކި ދައުލަތެއް އުފެއްދުމަށާއި އެބައިމީހުންގެ ހައްގުތައް ކަށަވަރުކުރުމަށްޓަކައި ކުރަމުންގެންދާ މަސައްކަތްތަކުގައި އެއްވެސް ޝަރުތަކާ ނުލައި ތާއީދުކުރުންމަތީ ދިވެހި ސަރުކާރާއި ދިވެހި ރައްޔިތުން ތިބޭނެ ކަމަށެވެ.
ގުޅުންހުރި
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
ރައްޔިތުންނާ ގުޅުން ބަދަހިކުރަން ރައީސް މުއިއްޒު ޕޮޑްކާސްޓެއް ފައްޓަވަނީ
ފަލަސްތީނުގެ ރައްޔިތުން ގާޒާއިން ބޭރުކުރަން އިޒްރޭލުން އުޅޭތީ އެކަން ރާއްޖެއިން ކުށްވެރިކޮށްފި