ޑޮލަރުން އާމްދަނީ ލިބޭ ކުންފުނިތަކުން ޑޮލަރުން ޓެކްސް ދައްކަންޖެހޭ ގޮތަށް އާމްދަނީން ޓެކްސް ނެގުމުގެ ގަވާއިދަށް އިސްލާހު ގެނެސްފި އެވެ.
އާމްދަނީން ޓެކްސް ނެގުމުގެ ގަވާއިދަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ) އިން ގެނައި އިސްލާހުގައި ވަނީ އެ ފަރާތެއް ނުވަތަ ކުންފުންޏެއް ވިޔަފާރީގެ މުއާމަލާތްކުރަން ބޭނުންކުރާ ފައިސާއަކީ ރުފިޔާ ފިޔަވާ އެހެން ފައިސާއެއްނަމަ، އެ ފަރާތެއް ޓެކްސް ދައްކަން ޖެހޭނީ ޑޮލަރުން ކަމަށެވެ. އަންނަ މަހުގެ 31 ވަނަ ދުވަހުން ފެށިގެން އެ ކުންފުނިތަކުގެ މާލީ ބަޔާންތައްވެސް ތައްޔާރުކުރަންވާނީ ކަރަންސީއަކަށް ޑޮލަރު ޖަހައިގެން ކަމަށްވެސް އިސްލާހުގައިވެ އެވެ.
މާލީ ބަޔާން ރުފިޔާ އިން ތައްޔާރުކުރާ ކުންފުނިތަކުން އާމްދަނީ ޓެކްސް މީރާއަށް ދައްކަންޖެހޭނީ ރުފިޔާ އިން ނުވަތަ ޑޮލަރުން ކަމަށް އިސްލާހުގައިވެ އެވެ.
އިސްލާހުގައިވާ ގޮތުން ރާއްޖޭގައި ވަޒަންވެރިވެފައި ނުވާ ފަރާތްތަކުގެ ވިތްހޯލްޑިން ޓެކްސް، މުވައްޒަފުންގެ ވިތްހޯލްޑިން ޓެކްސް އަދި ކެޕިޓަލް ގެއިންސް ވިތްހޯލްޑިން ޓެކްސް ވެސް ދައްކަން ޖެހޭނީ ޑޮލަރުން ނުވަތަ ރުފިޔާ އިންނެވެ. ނަމަވެސް އެ ޓެކްސްތައް ދައްކަންޖެހޭ ފަރާތްތަކަށް އާމްދަނީ ލިބޭ ފައިސާއަކީ ދިވެހި ރުފިޔާ ނޫން ފައިސާއެއް ކަމަށްވާ ނަމަ، އެ ޓެކްސް ދައްކަން ޖެހޭނީ ޑޮލަރުން ކަމަށް އިސްލާހުގައި ހިމަނައިފައިވެ އެވެ.
ރައީސް އޮފީހުން މިދިޔަ މަހު ބޭއްވި ނޫސްވެރިންގެ ބައްދަލުވުމެއްގައި ބަންޑާރަ ނައިބު އަހުމަދު އުޝާމް ވިދާޅުވެފައިވަނީ ރާއްޖޭގެ ފޮރިން ރިޒާމް އިތުރުކުރުމަށް ބައެއް ގާނޫނުތަކަކާއި ގަވާއިދުތަކަށް ބަދަލު ގެންނަން ކެބިނެޓުން ނިންމާފައިވާ ކަމަށެވެ.

12 Comments
ގުޅުންހުރި
ކާނި ހޮޓަލްސްއިން ޓެކުހަށް މަކަރުހެދި މައްސަލައެއް ތަހުގީގުކޮށްދިނުމަށް އެދިއްޖެ
މަޓީން އެދުމުން ބޭރު ފައިސާގެ ބިލުގެ ކޮމެޓީ ސިއްރުކޮށްފި
ބޭރު ފައިސާގެ ބިލާއެކު ދައުރުވާ ޑޮލަރު ބޮޑުތަނުން އިތުރުވެގެންދާނެ: ރައީސް
ޑޮލަރު މާރުކުރުމަށް ނިންމި ނިންމުމަށް ލުއި ދީފައިނުވާނެ: މުނައްވަރު
ބޭރު ފައިސާއާ ބެހޭ ބިލްގެ ޑްރާފްޓުގައި ޑޮލަރު މާރުކުރުމަށް ލުއިތަކެއް ދީފި
ވިޔަފާރިވެރިންނަށް ދަތިވާ ގޮތަށް ގަވާއިދު ހެދުމުން ގެއްލުންވާނީ ރައްޔިތުންނަށް: ޔާމީން