އުތުރުގައި ބަންކަރިން ހިދުމަތް ފެށުމަށް ވާންޖެހޭ ހުރިހާ ތައްޔާރީއެއްވެ ނިމިފައިވާ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މެނޭޖިން ޑިރެކްޓަރު މުހައްމަދު ވަޖީހު އިބްރާހިމް ވިދާޅުވެއްޖެ އެވެ.
ބަންކަރިން ހިދުމަތް އެންމެ ފުރަތަމަ ފަށާނެ ކަމަށް ސަރުކާރުން ބުނީ ފެބްރުއަރީ މަހުގެ ތެރޭގައެވެ. އެއަށްފަހު ޖުލައި މަހަށް ފަސްކުރުމަށްފަހު ދެން ދިން ތާރީހަކީ އޮގަސްޓު 22 އަށެވެ. އެ ތާރީހަށްވެސް އެ މަސައްކަތް ނުފެށުމުން އެންމެ ފަހުން ސަރުކާރުން ދިން ތާރީހަކީ އިއްޔެ އެވެ. ނަމަވެސް އެންމެ ފުރަތަމަ ބޯޓަށް ތެޔޮ އަޅާ ދުވަހު އެ ހިދުމަތް އިފުތިތާހު ކުރަން ވެގެން ކަމަށް ބުނެ އެ ހިދުމަތް މިހާރު ފަށަން ނިންމާފައިވަނީ މި މަހުގެ 20 ވަނަ ދުވަހު އެވެ.
ވަޖީހު މިއަދު ފޭސްބުކްގައި ކުރެއްވި ޕޯސްޓެއްގައި ވިދާޅުވީ، ބަންކަރިންގެ ހިދުމަތް ފެށުމަށްޓަކައި އެކަމަށް ބޭނުންކުރާ ދެ ބޯޓާއި ޓަޖު ބޯޓު އަދި ޕައިލެޓް ބޯޓު އިހަވަންދިއްޕޮޅަށް ގެންގޮސް ނިމިފައިވާ ކަމަށެވެ. އަދި އެފަދަ އިންޓަނޭޝަނަލް ހިދުމަތެއް ދިނުމުގައި ހުންނަންޖެހޭ ޝަރުތު، އިންޓަނޭޝަނަލް ޝިޕް އެންޑް ޕޯޓް ސެކިއުރިޓީ ގޭޓުވެސް ގާއިމުކޮށް ނިމިފައިވާ ކަމަށް ވިދާޅުވިއެވެ.
”ޝުކުރިއްޔާ ރައީސް ޑރ. މުހައްމަދު މުއިއްޒު. މަނިކުފާނުގެ ވެރިކަމުގެ ވަރަށް ކުރީ ކޮޅު ތިޔަ ފަށްޓަވައި ދެއްވަވަނީ، މި ގައުމުގެ އިގުތިސާދަށް ބޮޑު، އިންގިލާބީ ހެޔޮ ބަދަލުތަކެއް ގެނެސް ދޭނެ ހިދުމަތެކެވެ. މިއީ މި ގައުމުގައި ކުރަން ޖެހި، އެހެނަސް މިހާތަނަށް އެއްވެސް ވެރިކަމެއްގައި ނުކުރެވި އޮތް ކަމެކެވެ. މަނިކުފާނުގެ ދުރު ވިސްނުން ފުޅަށާއި ހިކުމަތްތެރި ކަމަށް އަޅުގަޑުމެން ޝުކުރު ދަންނަވަނެވެ.،“ ވަޖީހު ވިދާޅުވިއެވެ.
އޭނާ ވިދާޅުވީ، ބަންކަރިން ހިދުމަތާއެކު އިންޓަނޭޝަނަލް ކަސްޓަމަރުންނަށް، އިތުރު 14 ހިދުމަތްތަކެއް އިހަވަންދިއްޕޮޅުން ފޯރުކޮށްދޭނެ ކަމަށެވެ. އަދި އެކަމުގެ ސަބަބުން ސަރުކާރުގެ އެހެން ކުންފުނިތަކަށާއި އަމިއްލަ ކުންފުނިތަކަށް އަދި އަމިއްލަ ފަރުދުންނަށްވެސް އާމްދަނީ ހޯދުމުގެ އިތުރު ފުރުސަތުތަކެއް ފަހިވެގެންދާނެ ކަމަށް ވިދާޅުވިއެވެ.
”މި ޕޮރޮޖެކުޓުގެ ދެވަނަ ފޭސް އެއްގެ ގޮތުގައި، އޮއިލް ޓާމިނަލް އާއި އޮއިލް ޓޭންކުތައް މި ސަރަހައްދުގައި ގާއިމުކުރުމުގެ މަސައްކަތް ވެސް ފެށިގެން ދާނެއެވެ.“ ވަޖީހު ވިދާޅުވިއެވެ.
ގުޅުންހުރި
މާލޭ ވިޔަފާރި ބަނދަރު މި ދައުރުގެ ތެރޭގައި ތިލަފުށިއަށް ބަދަލުކޮށް ނިންމާލެވޭނެ:
ބަންކަރިންގެ ދެވަނަ ފިޔަވަހި: ހޯރަފުށި ފަޅުގައި ޕޯޓަކާއި ކްލަބް ހައުސްއެއް، އިހަވަންދޫގައި
ޗައިނާ އިން އެތެރެކުރާ މުދަލަށް ދިވެހި ރުފިޔާއިން ފައިސާ ދެއްކޭ ގޮތް
ބީއެމްއެލްގެ ސީއީއޯ އިސްތިއުފާ ދެއްވައިފި
މާލީ ހާލަތުން އަރައިގަތުމަށް ސަރުކާރަށް އެއްބާރުލުން ދޭން ނިންމި ފުރަތަމަ ކުންފުންޏަކަށް
ސަރުކާރުގެ ޕްރޮޖެކްޓްތައް ފެށުމުން، އިގުތިސާދު ދުވަހަކުވެސް ކުރިނާރާ ވަރަށް ކުރިއަރާނެ: ވަޖީހު