ބާރު ސްޕީޑުގައި ދުއްވާފައި ދިޔަ ކާރެއް ހުއްޓުވައި ޓޯކުރަން އުޅުމުން، ކާރުން ނުފައިބައި ކާރު ލޮކްކޮށް ފުލުހުންގެ ދައުރަށް ހުރަސް އެޅި މީހަކު ހައްޔަރުކޮށްފި އެވެ.
އެ މައްސަލައާ ގުޅިހެން ހައްޔަރުކޮށްފައިވަނީ ރ. އަލިފުށި، ސިތުރާ، ހަސަން ސައީދު (38އ) އެވެ.
ފުލުހުން މިރޭ ބުނީ ރޭ ދަންވަރު ވެހިކަލް ޗެކިން ޕޮއިންޓެއް ޖަހައިގެން ހަރަކާތްތެރިވަމުން ދިޔައިރު ބާރު ސްޕީޑުގައި ދުއްވި ކާރެއް ހުއްޓުވި އިރު، އެއީ ސީ ޒޯނަށް ރަޖިސްޓްރީ ކޮށްފައިވާ ކާރެއް ކަމަށެވެ. އަދި ކާރު ދުއްވަން އިން މީހާގެ އަތުގައި ލައިސަންސްއެއް ނެތް ކަމަށްވެސް ބުންޏެވެ.
”ލައިސަންސް ނެތި ކާރު ދުއްވުމުން އަދި ސައްހަ ނޫން ނަންބަރު ޕްލޭޓް ކާރުގައި ހަރުކޮށްފައިވާތީ ފުލުހުން އެ ކާރު ޓޯކުރަން އުޅުމުން ފުލުހުންނަށް އެއްބާރުން ނުދޭނެ ކަމާއި ކާރުން ނުފައިބާނެ ކަމަށް ބުނެ ކާރު ލޮކްކޮށް ފުލުހުންގެ ދައުރު އަދާކުރުމަށް ހުރަސް އަޅައި ފިލަން މަސައްކަތް ކުރުމުން ބާރުގެ ބޭނުން ކޮށްގެން އޭނާ ވަނީ ހައްޔަރުކޮށްފައި“ ފުލުހުން ބުންޏެވެ.
އެ މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.
ގުޅުންހުރި
އިންޓަޕޯލްގެ ރެޑް ނޯޓިސް ނެރެގެން ހޯދި ތިން މީހަކު ހައްޔަރުކޮށްފި
ރަހީނުކޮށް މީހެއްގެ އިނގިލި ބުރިކޮށްލުން: ތުހުމަތުވާ ސިފައިންގެ ދެ މީހުން ސަސްޕެންޑްކޮށްފި
ބަޣާވާތުގެ މައްސަލައިގައި އެއްވެސް މީހަކާ މިހާތަނަށް ސުވާލެއް ނުކުރޭ: ފުލުހުން
ގެއެއްގެ ހަވަނަ ބުރިން ދޮރެއްގެ ބިއްލޫރިގަނޑެއް ވެއްޓި މީހަކަށް އަނިޔާވެއްޖެ
މެލޭޝިއާ އިން ރާއްޖެ އައި ދިވެއްސަކު ބައި ކިލޯގެ ޑުރަގާއެކު ހައްޔަރުކޮށްފި
އިމިގްރޭޝަން އޮފިސަރެއް ކަމަށް ބުނެ ބިދޭސީއެއްގެ އަތުން މޯބައިލް ފޯނާއި ފައިސާތަކެއް