އައްޑޫގެ ފެނަކަ ބްރާންޗަކުން ގިނަ އަދަދެއްގެ ފައިސާ ގެއްލުނު މައްސަލައެއް ބަލަނީ

އައްޑޫ ސިޓީގެ މަރަފޫފޭދޫގައި ހުންނަ ފެނަކަ ކޯޕަރޭޝަންގެ ބްރާންޗުން ގިނަ އަދަދެއްގެ ފައިސާތަކެއް ގެއްލުނު ކަމަށް ތުހުމަތުވާ މައްސަލައެއް އެ ކުންފުނިން ބަލަން ފަށައިފި އެވެ.

ފެނަކައިގެ މީޑިއާ އޮފިޝަލާ ހަވާލާދީ ބައެއް މީޑިއާތަކުގައި ބުނެފައިވާ ގޮތުން އެ މައްސަލައިގައި މިހާތަނަށް އެއްވެސް މީހަކަށް ފިޔަވަޅު އަޅާފައެއް ނުވެ އެވެ. އަދި އެ މައްސަލަ ފުލުހަށް ހުށަހަޅާފައި ނުވާއިރު، ގެއްލިފައިވަނީ ކިހާ އަދަދެއްގެ ފައިސާއެއް ކަމެއް ނުބުނެ އެވެ.

އެނގިފައިވާ ގޮތުގައި މި ހަފުތާ ތެރޭގައި ފެންމަތިވި އެ މައްސަލައިގައި ފެނަކަ ބްރާންޗުން ގެއްލިފައިވަނީ 400،000ރ. އަށް ވުރެ ގިނަ ރުފިޔާ އެވެ.