ސްޓެލްކޯ ފޮޅާ ސާފުކުރުމުގެ މަސައްކަތް ވެމްކޯއާ ހަވާލުކޮށްފި

ސްޓެލްކޯ އޮފީހުގެ ފޮޅާ ސާފުކުރުމުގެ މަސައްކަތް ވޭސްޓް މެނޭޖުމެންޓް ކޯޕަރޭޝަން ލިމިޓެޑް (ވެމްކޯ) އާ ހަވާލުކޮށްފި އެވެ.

ސްޓެލްކޯގައި މިއަދު ބޭއްވި ރަސްމިއްޔާތެއްގައި ވެމްކޯގެ ”ހޮބާ“ ހިދުމަތް ލިބިގަތުމަށް ސްޓެލްކޯ އިން ވަނީ ވެމްކޯއާއިއެކު އެއްބަސްވުމެއްގައި ސޮއިކޮށްފަ އެވެ.

އެކަމުގެ އެއްބަސްވުމުގައި ސްޓެލްކޯގެ ފަރާތުން ސޮއި ކުރެއްވީ އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ އެވެ. ވެމްކޯގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރު ޝަހީދު އިބްރާހީމް އެވެ.

ސްޓެލްކޯއިން ބުނީ އެ އެއްބަސްވުމުގެ ދަށުން މާލެ، ހުޅުމާލެ އަދި ވިލިމާލޭގައި ހުރި ސްޓެލްކޯގެ އިމާރާތްތައް ވެމްކޯ އިން ފޮޅާ، ސާފުކުރާނީ ވެމްކޯއިން ކަމަށެވެ.

އަދި ބުނީ ސްޓެލްކޯ ހިޔާގެ 2 ޓަވަރު ފޮޅައި ސާފުކުރުމުގެ މަސައްކަތް ވެސް ކުރާނީ ވެމްކޯއިން ކަމަށެވެ.