ޝަހުސު އޮޅުވާލައިގެން ރާއްޖެ އެތެރެވާން އުޅުނު ތިން މީހަކު އަތުލައިގެންފި

ޝަހުސު އޮޅުވާލައިގެން ރާއްޖެ އެތެރެވާން އުޅުނު ތިން މީހަކު އަތުލައިގެންފި އެވެ.

މޯލްޑިވްސް އިމިގްރޭޝަނުން ބުނީ އެ ތިން މީހުންގެ އެކަކު އަތުލައިގަތީ މިދިޔަ ޖުލައި މަހުގެ 31 ވަނަ ދުވަހު ކަމަށެވެ. އެއީ 25 އަހަރުގެ ފިރިހެނެކެވެ.

އަނެއް ދެ މީހުންގެ އަތުލައިގަތީ މިދިޔަ އޮގަސްޓް މަހުގެ ތެރޭގަ އެވެ. އެއީ އޮގަސްޓް 16 ވަނަ ދުވަހު އަތުލައިގެން 23 އަހަރުގެ ފިރިހެނަކާއި އޮގަސްޓް 18 ވަނަ ދުވަހު އަތުލައިގެން 21 އަހަރުގެ ފިރިހެނެކެވެ

އެ އެންމެންވެސް އަތުލައިގަތީ ވެލާނާ އިންޓަނޭޝަނަލް އެއާޕޯޓުން ކަމަށް އިމިގްރޭޝަނުން ބުންޏެވެ.

ނަމަވެސް މިއީ ކޮން ގައުމެއްގެ ބައެއް ކަމެއް ނުބުނެ އަދި އެ މީހުންނާމެދު އަމަލުކުރި ގޮތެއް ނުބުނެ އެވެ.