އައިޖީއެމްއެޗް ސަރަހައްދުގައި ފެން ބޮޑުވާތީ ކޮންސްޓްރަކްޝަން މިނިސްޓްރީން އެ ސަރަހައްދުގައި ހެދި ޑްރެއިން ސިސްޓަމް މިއަދު ބޭނުން ކުރަން ފަށައިފި އެވެ.
އައިޖީއެމްއެޗް ސަރަހައްދަކީ އާންމުކޮށް ފެންބޮޑުވާ ސަރަހައްދެކެވެ. އެކަމުގެ ސަބަބުން ހޮސްޕިޓަލަށް އަންނަ މީހުންނަށް އެތައް އުދަނގުލެއް ކުރިމަތިވާއިރު، އެ މަގުން ވެހިކަލް ދަތުރުކުރުމަކީވެސް ތުރާލެކެވެ. ނަމަވެސް މާލެއަށް ރޭ ފަތިހުން ފެށިގެން ވަރަށް ބޯކޮށް ވާރޭވެހި ބައެއް މަގުތަކުގައި ފެންބޮޑުވި ނަަމަވެސް އައިޖީއެމްއެޗް ހުންނަ ސަރަހައްދުގައި ފެންބޮޑުވެފައެއް ނުވެ އެވެ.
ކޮންސްޓްރަކްޝަން މިނިސްޓަރު ޑރ. އަބްދުﷲ މުއްތަލިބް އެކްސްގައި މިރޭ ކުރެއްވި ޕޯސްޓެއްގައި ވިދާޅުވީ އައިޖީއެމްއެޗް ކައިރީގައި ޑްރެއިން ސިސްޓަމެއް ހެދީ މާލޭގެ މަގުތައް ރަނގަޅު ފެންވަރަކަށް ހެދެންދެން ވަގުތީ ހައްލެއް ގެނައުމަށް ރައީސް ޑރ. މުހައްމަދު މުއިއްޒު އަންގަވައިގެން ކަމަށެވެ.
”މި ކުރެވޭ މަސައްކަތުން ފެންބޮޑުވާ މައްސަލައަށް އެއްކޮށް ހައްލު ނުލިބުނު ނަމަވެސް މާލޭގެ މަގުތައް ރަނގަޅު ފެންވަރަކަށް ހެދެން ދެން ރައްޔިތުންނަށް ފޯރާ ދަތިތައް ކުޑަކުރެވި ޕަމްޕު ބޭނުންކޮށްގެން ފެން ހިންދުމަށް ފަސޭހަވެގެންދާނެއެވެ“ މުއްތަލިބު ވިދާޅުވި އެވެ.
މާލޭގައި ފެންބޮޑުވާ މައްސަލަ ހައްލުކުރުމުގެ މަސައްކަތް މިދިޔަ މެއި 10 ވަނަ ދުވަހު ފެށީ ޑިފެންސް މިނިސްޓްރީން އިސްވެ އިންފްރާންސްޓްރަކްޗާ މިނިސްޓްރީގެ ބައިވެރިވުމާއެެކު އާރުޑީސީއާ ހަވާލުކޮށްގެންނެވެ.

ގުޅުންހުރި
ފިހުނު ދެމަފިރިންނަށް ފަރުވާ ދިނުމަށް އިންޑިއާގެ ޓީމެއް ރާއްޖެ އަތުވެއްޖެ
ކުރީގެ ލިސްޓުގައި ނެތް މީހެއް އާ ލިސްޓަކަށް ނުލަން، އެކަމަކު އުސޫލު
ކުރިން ނެރެފައިވާ ލިސްޓުގެ ބޭރުން 577 މީހަކަށް މި ސަރުކާރުން ފްލެޓް
ވިއްސާރައާ ގުޅިގެން ސްޓެލްކޯ އިން ޓާސްކުފޯހެއް އެކުލަވާލައި ތައްޔާރުވެއްޖެ
ފެންބޮޑުވެދާނެތީ ވެލި ބަސްތާ ޖަހައި ތައްޔާރުވެ ތިބެން އިލްތިމާސްކޮށްފި
އެންމެ ގިނައިން ވާރޭ ވެހުނީ މާލެއަށް، މިއަދު ވެސް ބޯކޮށް ވާރޭ