ރާއްޖޭގެ ދަރަނީގެ ކަންކަމާމެދު ލަފާ ހޯދަން ދިވެހި ސަރުކާރުން އެމެރިކާގެ އިންވެސްޓްމަންޓް ބޭންކިން ފާމެއް ކަމަށްވާ ސެންޓަވިއު ޕާޓްނާސް ހަމަޖައްސާފައިވާ ކަމަށް ރޮއިޓާސް އިން ބުނެފި އެވެ.
ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުން 2021 ވަނަ އަހަރު ވިއްކާފައިވާ 500 މިލިއަން ޑޮލަރުގެ ސުކޫކް ނުވަތަ އިސްލާމިކް ބޮންޑް ޑީފޯލްޓްވުމުގެ ބިރު ވަނީ ބޮޑުވެފަ އެވެ. އެ ސުކޫކް ޑީފޯލްޓްވެއްޖެ ނަމަ ރާއްޖެ ވެގެންދާނީ ސުކޫކެއް ޑީފޯލްޓްވާ ފުރަތަމަ ގައުމަށެވެ.
އެ ހާލަތުގައި ރާއްޖެ އޮއްވައި ދަރަނީގެ ކަންކަމާމެދު ލަފާ ހޯދަން އެމެރިކާގެ ސެންޓަވިއު ޕާޓްނާސް އާއެކު ރާއްޖެއިން ސޮއިކޮށްފައިވާކަން ރޮއިޓާސް އިނ ރިޕޯޓްކޮށްފައި ވަނީ ކަމުގެ މައުލޫމާތު އެނގޭ ދެ މަސްދަރާ ހަވާލާދީ އެވެ.
ރޮއިޓާސް އިން ބުނެފައިވާ ގޮތުން އެކަމަށް ޖަވާބެއް ހޯދަން ހުށަހެޅުމުން ދިވެހި ސަރުކާރުން އަދި އެއްވެސް ޖަވާބެއް ދީފައެއް ނުވެ އެވެ. އެކަމާ ގުޅޭ ގޮތުން ދިވެހި ސަރުކާރުން ދިވެހި މީޑިއާތަކަށްވެސް މައުލޫމާތެއް ދީފައެއް ނުވެ އެވެ.
ސީނިއާ އިންވެސްޓްމަންޓް ބޭންކާސްތަކެއް ގުޅިގެން 2006 ވަނަ އުފެއްދި ސެންޓާވިއު އަކީ އެންމެ ބޮޑެތި އަދި އެންމެ ހައްސާސީ ވިޔަފާރި މައްސަލަތަކުގައި ލަފާ ދީފައިވާ ކުންފުންޏެކެވެ. އެ ކުންފުނީގެ އޮފީސްތައް ނިއު ޔޯކް ސިޓީގެ އިތުރުން ލަންޑަން، ޕެރިސް، ޗިކާގޯ އަދި ލޮސް އެންޖަލިސްގައިވެސް ހުރެ އެވެ.
ރޮއިޓާސް އިން ބުނެފައިވާ ގޮތުން އެ ފާމުން ސޮވެރިން އެޑްވައިޒަރީ ވިޔަފާރި މުޅި ދުނިޔެއަށް ފުޅާ ކުރުމުގެ ގޮތުން މި ވަގުތު މުވައްޒަފުން ނެގުމުގެ މަސައްކަތް ވަރަށް ބާރަށް ކުރިއަށްގެންދާ ކަމަށެވެ.
1 Comment
ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އެމްޑަބްލިޔުއެސްސީ: ރައްޔިތުންގެ ހިދުމަތުގައި 30 އަހަރު، ފަހުރުވެރި ކާމިޔާބު ކުންފުންޏެއް