ހދ. ހަނިމާދޫ އެއާޕޯޓް ނިމޭއިރަށް އެ އަތޮޅުގައި 4،000 ޓޫރިސްޓް އެނދު ތަރައްގީކުރުމުގެ މަސައްކަތް ކުރަމުން އަންނަ ކަމަށް ޓޫރިޒަމް މިނިސްޓަރު އިބްރާހީމް ފައިސަލް ވިދާޅުވެއްޖެ އެވެ.
ހދ. އަތޮޅުގައި ޓޫރިޒަމްގެ ހަރަކާތްތައް އެކަށީގެންވާ ގޮތަށް ފެށިފައިނުވާތީ، އެ އަތޮޅުގައި ޓޫރިސްޓް ބެޑް އިތުރުކުރުމަށް މި ސަރުކާރުން ކުރަމުންގެންދާ މަސައްކަތްތައް އޮޅުންފިލުވުމަށް ވައިކަރަދޫ ދާއިރާގެ މެންބަރު ހުސެއިން ޒިޔާދު ކުރެއްވި ސުވާލަށް ޖަވާބު ދެއްވަމުން ފައިސަލް ވިދާޅުވީ، ހަނިމާދޫ އެއާޕޯޓް އަންނަ އަހަރުގެ މާޗު މަހުގެ ނިޔަލަށް ނިމޭނެ ކަމަށެވެ.
އެހާތަނަށް ހދ. އަތޮޅުގައި ޓޫރިޒަމް ތަރައްގީކުރުމަށް ކުރަމުން އަންނަ މަސައްކަތުގެ ދަށުން ވައިކަރަ މުރައިދޫގެ 15 ހެކްޓަރު ޓޫރިޒަމަށް ހުޅުވާލައި، އެތަން ޓޫރިޒަމް މިނިސްޓްރީގެ އިވެލުއޭޝަން ކޮމިޓީން އިވެލުއޭޓްކޮށް މިހާރު އެވޯޑު ކުރެވިފައިވާ ކަމަށް ވިދާޅުވި އެވެ.
ފައިސަލް ވިދާޅުވީ، ޓޫރިޒަމްގެ ބޭނުމަށް އެ އަތޮޅުގައި ރަޖިސްޓްރީ ކޮށްފައިވަނީ އެންމެ 460 އެނދު ކަމަށެވެ. އެ އަތޮޅުގެ އިތުރު ތިން ތަނެއް ޓޫރިޒަމަށް ތަރައްގީކޮށް ޖުމުލަ 1800 އެނދު ތަރައްގީކުރުމުގެ މަސައްކަތް ކުރިއަށްދާ ކަމަށްވެސް ވިދާޅުވި އެވެ.

2 Comments
ގުޅުންހުރި
ކެލާގެ ފަޅުގައި 2 ރިސޯޓް ހަދަން އެ ރަށުގެ ސައިޒަށްވުރެ ބޮޑު
ކައުންސިލްތަކުގެ އިހުތިސޯސްގައި ހިމެނޭ ރަށްތައް ޓޫރިޒަމަށް ދޫކުރުމުގެ ބާރު ރައީސަށް ދީފި
ހަނިމާދޫ އާއި މާމިގިލީ ހޮސްޕިޓަލް އަދި ގާފަރު ސިއްހީ މަރުކަޒު ހަދަން
ޑްރަގު މައްސަލައެއްގައި މަންމައާއި ދަރިފުޅު ހައްޔަރުކޮށްފި
ފައިސަލްގެ ދިރިއުޅުން އުފަށް ރަށް ފޮނަދުއަށް ބަދަލުކުރަނީ
އަބްދުއްރަހީމާއި ފައިސަލަށް ހަމްދަރުދީއެއް ނެތް، ކުރިކަމެއްގެ އަޖަލު އެ މީހަކާ ބައްދަލުކުރާނެ: