ސަރުކާރުގެ ފަރާތުން ރައްޔިތުންގެ މަޖިލީހަށް ފޮނުވި 5.1 ބިލިއަން ރުފިޔާގެ ސަޕްލިމެންޓްރީ ބަޖެޓު ކޮމިޓީޏް މިއަދު ފާސްކޮށްފި އެވެ.
ކޮމިޓީން ސަޕްލިމެންޓްރީ ބަޖެޓް ފާސްކުރުމުން އަނެއްކާވެސް ބަޖެޓް ފޮނުވާނީ ތަޅުމަށެވެ. އަދި ބަޖެޓު ފާސް ކުރުމާ ގުޅޭ ގޮތުން ބަހުސްކޮށް، ތަޅުމުން ގޮތެއް ނިންމާނެ އެވެ.
ސަޕްލިމެންޓްރީ ބަޖެޓުގައި ބޭރުގެ ލޯނު އެހީގެ ގޮތުގައި 1.4 ބިލިއަން ރުފިޔާ ހޯދަން ކަނޑައަޅާފައިވެ އެވެ. އަދި ޑޮމެސްޓިކް މާކެޓުން ހޯދަން ކަނޑައަޅާފައިވަނީ ތިން ބިލިއަން ރުފިޔާ އެވެ.
ސަޕްލިމެންޓްރީ ބަޖެޓުގެ މުހިންމު ބައިތައް:
– ޕީއެސްއައިޕީ: ދެ ބިލިއަން ރުފިޔާ – ސަބްސިޑީ (ތެޔޮ، ކާޑު، ކަރަންޓާއި ނަރުދަމާ އާއި ފެނުގެ ހިދުމަތް): އެއް ބިލިއަން ރުފިޔާ – ކޮންޓިންޖެންސީ ބަޖެޓު: 650 މިލިއަން ރުފިޔާ – ސްޓޫޑެންޑް ލޯނު: 458 މިލިއަން ރުފިޔާ – ސަރުކާރު ހިއްސާވާ ކުންފުނިތައް: 441 މިލިއަން ރުފިޔާ – އެންސްޕާ: 263 މިލިއަން ރުފިޔާ – މެޑިކަލް ކޮންޒިއުމަބަލްސް: 200 މިލިއަން ރުފިޔާ – މުސާރަ: 24 މިލިއަން ރުފިޔާ
ސަޕްލިމެންޓްރީ ބަޖެޓުން އެންމެ ބޮޑު ބައެއް ހޭދަކުރަން ހަމަޖެހިފައިވަނީ ޕީއެސްއައިޕީ ޕްރޮޖެކްޓްތަކަށެވެ. ފަސް ބިލިއަން ރުފިޔާގެ ބަޖެޓުން ދެ ބިލިއަން ކަނޑައަޅާފައިވަނީ ޕީއެސްއައިޕީ މަޝްރޫއުތަކަށެވެ. އަދި ދެވަނައަށް އެންމެ ބޮޑު އަދަދެއް ހުށަހެޅީ ސަބްސިޑީއަށެވެ.

ގުޅުންހުރި
މުސާރަ ކުޑަކޮށްފި ނަމަ ކެމްޕެއިނަށް ނެގި އެތައް މިލިއަނެއްގެ ދަރަނި އަދާނުކުރެވޭނެ:
ކައުންސިލްތަކުގެ އިހުތިސޯސްގައި ހިމެނޭ ރަށްތައް ޓޫރިޒަމަށް ދޫކުރުމުގެ ބާރު ރައީސަށް ދީފި
މެންބަރުން ތިބެން މިޖެހެނީ މިނިސްޓަރުންގެ ގަޔަށް އެޅޭ ކޮފީތަށި ސާފުކުރަން: ފިއްޓޭ
މަޖިލީހުގެ ޖަލްސާތައް ރޯދައިގެ ފަހު 10އަށް މެދުކަނޑާލައިފި
ސުޕްރީމް ކޯޓަށް ޝަހީދު އައްޔަން ކުރަން މަޖިލީހުން ފާސްކޮށްފި
ސުޕްރީމް ކޯޓަށް އައްޔަންކުރަން ފަނޑިޔާރު ޝާހިދުގެ ނަން ކޮމިޓީން ފާސްކޮށްފި