ކުރީ ސަރުކާރުން ކޮށްފައިވާ ގާނޫނާހިލާފު ކަންކަން މި ސަރުކާރުން ނުބަލައި ދޫކޮށްލައިގެން ތިބީ މި ސަރުކާރުން ވެސް ވައްކަންކުރާތީ ކަމަށް ކުރީގެ ރައީސް އަބްދުﷲ ޔާމީން ވިދާޅުވެއްޖެ އެވެ.
ޕީއެންއެފުން ރޭ ބޭއްވި ޖަލްސާގައި ވާހަކަދައްކަވަމުން ޔާމީން ވިދާޅުވީ މި ސަރުކާރު ވެރިކަމަށް އައިސްފައިވަނީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރު ގޯސް ކަމަށް ބުނެ ނަމޫނާ ސަރުކާރެއް ގާއިމުކޮށް ރަނގަޅު ވެރިކަމެއް ކޮށްދޭނެ ކަމުގެ ވައުދާއެކު ކަމަށެވެ. ނަމަވެސް ރައީސް ސޯލިހުގެ ސަރުކާރުން ކުރަމުންދިޔަ ކަންކަން މި ސަރުކާރުން ވެސް ކުރަމުންދާ ކަމަށް ޔާމީން ވިދާޅުވި އެވެ.
“އެ ހަޅޭލެވި ހަޅޭލެވުންތައް މިއަދު ކޮންތާކަށްހޭ ދިޔައީ. އޭރު ނުކުރާން ބުނި ހުރިހާ ކަމެކޭ މިހާރު މިކުރަނީ. އުނބަށް ޖަހައިގެން މިއުޅެނީ މުއިއްޒު އެކަނި ހެއްޔޭ. ތިމަންނާމެން ސަރުކާރުގައި ހާމަ ނުކުރެވޭނެ އެއްވެސް ކަމެއް ނޯންނާނޭ. އެހެންވީމާ އުނބަށް ޖަހައިގެން މިއުޅެނީ މުއިއްޒު އެކަނި ހެއްޔޭ؟ އުނބަށް ޖަހައިގެން މިއުޅެނީ މުޅި ދައުލަތް،“ ޔާމީން ވިދާޅުވި އެވެ.
ޔާމީން ވިދާޅުވީ ސަރުކާރަށް 11 މަސްވީއިރު ކުރީ ސަރުކާރުގެ ކަންކަން ބެލިފައި ނެތުމުން ހާމަވެގެންދަނީ ކުރީ ސަރުކާރު ކުރި ވައްކަންތަކުގައި ބައިއެޅި މީހުންގެ ތެރޭގައި މިހާރުގެ ސަރުކާރުގައި ހިމެނޭ މީހުން ތިބުން ކަމަށެވެ.
”އެހެން ނޫނީ ކީއްވެގެންތޯ ނުބެލެންވީ. އެހެންވީމާ އިބްރާހިމް މުހައްމަދު ސޯލިހް ސަރުކާރުގައި ހިނގާދިޔަ ބޮޑެތި ކަންކަމުގެ ތެރޭ، ބޮޑެތި ވައްކަމާ ފޭރުމުގެ ތެރޭ އެއްވެސް މައްސަލައެއް މިހާރު އައިސް ތިބި މީހުންނަށް ބަލަން ނުކެރެންޏާ މީގައި އޮތީ ހަމަ އެންމެ ސަބަބެއް. އެ ސަބަބަކީ އެއަށް ވުރެ ބޮޑެތި ވައްކަންތައް މި މީހުން ކުރަނީ. އަދި ދެން އޮތް ކަމަކީ އޭރު ރައީސް ސޯލިހު ސަރުކާރުގައި އެ ކުރި ކަންތައްތަކުން ބައިއެޅޭ މީހުންތަކެއް އަޅުގަނޑުމެންގެ ތެެރޭގައި އޭރު ތިބީ،“ ޔާމީން ވިދާޅުވި އެވެ.

ގުޅުންހުރި
ވަގު ގޯތި މައްސަލަ: ފަޒުލްއާއި ފަޒީލު ހިމެނޭހެން އެންމެންގެ ޕާސްޕޯޓު ދޫކޮށްލައިފި
ރައްޔިތުންގެ މަޖިލީހަކީ މިހާރު ”ދިމްޔާތު މަޖިލިސް“: ޔާމީން
އެޗްޑީސީގެ ސީއެފްއޯ އާއި އިތުރު ވެރިއަކު ވަކިކޮށްފި
ރިޔާސީ ބަޔާނަށް ޔާމީންގެ ފާޑުކިޔުން: މިދިޔަ އަހަރު ނުވި ކަމެއް މި
އަބްދުއްރަހީމާއި ފައިސަލަށް ހަމްދަރުދީއެއް ނެތް، ކުރިކަމެއްގެ އަޖަލު އެ މީހަކާ ބައްދަލުކުރާނެ:
އަކްރަމްގެ ޕާސްޕޯޓް ހިފެހެއްޓި މައްސަލަ ހައިކޯޓަށް ހުށަހަޅަައިފި