އާޓިފިޝަލް އިންޓެލިޖެންސްގެ ދާއިރާ އިން ދުނިޔޭގައި ލީޑުކުރާނެ ގައުމަކަށް ރާއްޖެ ހައްދަވާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ގައުމީ ޔުނިވާސިޓީގެ ދަސްވެނިވުމުގެ ރަސްމިއްޔާތުގައި ވާހަކަފުޅުދައްކަވަމުން ރައީސް ވިދާޅުވީ 2030 ވަނަ އަހަރު އަންނަންވާއިރަށް ރާއްޖޭގެ ޖީޑީޕީގެ 15 ޕަސަންޓަކީ ޑިޖިޓަލް އިގުތިސޯދަށް ހެދުމަކީ އެ މަނިކުފާނު އަމާޒެއް ކަމަށެވެ. އެހެންވެ ރާއްޖެއަށް ޑިޖިޓަލް ކަރަންސީ އަދި ކްރިޕްޓޯ ތައާރަފުކުރުމުގެ މަސައްކަތް ފަށާފައިވާ ކަމަށާއި އޭރުން ފަންނުވެރިންނަށް އިގުތިސޯދީ ހަރަކާތްތަކުގެ ތެރޭގައި އުޅުމުގެ މަގުފަހިވެގެންދާނެ ކަމަށް ވިދާޅުވި އެވެ.
”އިރާދަކުރެއްވިއްޔާ ކުރިއަށް އޮތް ތަނުގައި ޑިޖިޓަލައިޒޭޝަންގެ ތެރެއިން އާޓިފިޝަލް އިންޓެލިޖެންސްގެ ތެރެއިން އަޅުގަނޑުމެންގެ ގައުމު ވެގެންދާނީ ވަރަށް ބޮޑަށް ދުނިޔޭގެ މައިދާނުގައި އަދި އަމުދުން މިކަހަލަ ކުޑަ ގައުމަކަށް ބަލާއިރު އެންމެ ކުރީ ސަފުގައި ލީޑުކުރާ ގައުމަކަށް. އެއީ އަޅުގަނޑުމެންގެ އެމްބިޝަން، ނަތީޖާ. އަޅުގަނޑަށް މުހިންމީ ނަތީޖާ،“ ރައީސް ވިދާޅުވި އެވެ.
ރައީސް އިތުރަށް ވިދާޅުވީ އެ މަނިކުފާނަކީ މީގެ ކުރިންވެސް، މިހާރުވެސް އަދި ކުރިއަތް ތަނުގައިވެސް ނަތީޖާ ހާސިލުކުރުމަށް ކުރަންޖެހުނު ކޮންމެ ކަމެއް ކުރައްވާނެ ބޭފުޅެއް ކަމަށެވެ. ނަތީޖާ ނޫން އެހެން އެއްޗެއް އެ މަނިކުފާނަށް މުހިންމު ނޫން ކަމަށްވެސް ވިދާޅުވި އެވެ.
19 Comments
ގުޅުންހުރި
ރައީސްގެ ޔޫކޭ ދަތުރުފުޅު: ލިވަޕޫލްގެ ފުޓްބޯޅަ އެކެޑަމީއެއް ރާއްޖޭގައި ހަދަން މަޝްވަރާ
ސިނގިރޭޓު ވިއްކާ ފަރާތްތަކަށް ރައީސް: ތިއީ ކުރާވަރުގެ ކަމެއް ނޫން، އެހެންކަމަކާ
އޯޓިޒަމް ހުންނަ ކޮންމެ ކުއްޖަކީ މޮޅު ކުއްޖެއް، އެ ކުދީންނަށް ލޯބިދިނުމަކީ
ލިވަޕޫލް އާއެކު ހިންގާ ކެމްޕެއިން ރަސްމީކޮށް އިއުލާން ކުރުމަށް ރައީސް ޔޫކޭއަށް
ރާއްޖޭގެ މިނިވަންކަން ގާއިމުކުރަން ހިންގާ މަޝްރޫއުތަކުގެ އަގު 100 މިލިއަން ޑޮލަރަށް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު