މާލެ ސަރަހައްދުގެ މަގުތަކުގައި އުޅޭ ބުޅާތައް ބަލަހައްޓަން ސަރުކާރުން ހެދި މިއަދު ހުޅުވައިފި އެވެ.
”އޮޅު ހިޔާ“ ނަމުގައި ހުޅުމާލެ 2 ގައި ހެދި ބުޅާ ފެސިލިޓީ ހުޅުއްވައި ދެއްވީ ރައީސް ޑރ. މުހައްމަދު މުއިއްޒެވެ.
މާލެ ސިޓީ ކައުންސިލަށް އެޗްޑީސީން ދޫކުރި 5،000 އަކަފޫޓުގެ ބިމެއްގައި ހެދި އެ ފެސިލިޓީގައި މާލެ ސަރަހައްދުގެ ޕާކުތަކާއި މަގުމައްޗާއި އާންމުން ތަންތަނުގައި އުޅޭ ބުޅާތައް ގިނަވެ، އެ ބުޅާތަކަށް ލިބެމުންދާ އަނިޔާތަކާއި ބުޅަލުން ޖެހޭ ބަލިތަކުން ސަލާމަތްކޮށް، ބުޅާތަކަށް ދިރިއުޅެވޭނެ ރައްކާތެރި މާހައުލެއް ހޯދައިދިނުމަށް ހުޅުވި ފެސިލިޓީއެކެވެ.
މިތަނުގައި ބުޅާތައް ކަރަންޓީނު ކުރެވޭ ސަރަހައްދަކާއި ކްލިނިކަކާއި ލެބޯޓްރީއެއް ވެސް ހުންނާނެ އެވެ. ބުޅަލަށް ދޭންޖެހޭ ބޭސްތައް ހުންނަ ފާމަސީއަކާއި އެ އެއްޗިއްސަށް ދުވެ އުޅެވޭ ސަރަހައްދެއް ވެސް މިތަނުގައި ހަދާފައިވެ އެވެ.
އެގްރިކަލްޗާ އެންޑް އެނިމަލް ވެލްފެއާ މިނިސްޓަރު ޑރ. އާއިޝަތު ރަމީލާ ވިދާޅުވީ މާލެ ސަރަހައްދުގެ މަގުތަކުގައި އުޅޭ ބުޅާތައް އެ ފެސިލިޓީއަށް ގެންދިޔަ ނަމަވެސް ޕެޓްގެ ގޮތުގައި ގެންގުޅޭ ކޮންމެ ޖަނަވާރަކަށް އެ ހިޔާ އިން ހިދުމަތް ދޭނެ ކަމަށެވެ އަދި ރާއްޖެ އިން ބޭރަށް ނުވަތަ ރަށަކަށް ފުރައިންގެންދާ ފަރާތްތަކަށްވެސް އެ މީހުންގެ އޮޅު ޖަނަވަރާތުތައް އެ ތަނުގައި ބެލެހެއްޓޭނެ އިންތިޒާމު ހަމަޖައްސާނެ ކަމަށްވެސް ވިދާޅުވި އެވެ.
އޭނާ އިތުރަށް ވިދާޅުވީ، އެ ތަނަށް ޒިޔާރަތްކުރާ ކުޑަކުދިންނަށްވެސް ބުޅާތަކަށް ކާން ދިނުމުގެ ފުރުސަތު ފަހިކޮށްދޭނެ ކަމަށާއި ނަމަވެސް ބޭރުން ގެންނަ އެއްވެސް ބާވަތެއްގެ ކާތަކެތި ބުޅާތަކަށް ކާންދިނުން މަނާވާނެ ކަމަށެވެ. އަދި އެ ފެސިލިޓީއަށް ނަގާ ބުޅާތައް އެޑޮޕްޓް ކުރަން ބޭނުންވާ ފަރާތްތަކަށް އެ ފުރުސަތު ހުޅުވާލާނެ ކަމަށްވެސް ވިދާޅުވި އެވެ.
16 Comments
ގުޅުންހުރި
ބުޅާ ފެސިލިޓީ އަންނަ މަހުގެ 2 ގައި ހުޅުވަނީ
ހުޅުމާލޭގައި ހަދާ ބުޅާ ފެސިލިޓީގެ އަމަލީ މަސައްކަތް ފަށައިފި، ދެ މަހެއްގެ