ރިސޯޓްތަކުގައި އުފެދޭ ކުނި އުކާލުމަށް ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ފަށައިގެން ކުރިއަށް ގެންދާ ރިސޯޓް ކަލެކްޝަން ސާވިސްއަށް އިތުރު ފަސް ރިސޯޓަކުން އެދިއްޖެ އެވެ.
ރިސޯޓްތަކުން ކުނި އުކާލަން ހަވާލުކުރާ އަމިއްލަ ކޮންޓްރެކްޓަރުގެ ފަރާތުން ކުނި މެނޭޖުކުރުމުގެ ކަންކަން ރަނގަޅަށް ތަންފީޒު ކުރަމުން ނުދާތީ، އެކަން އެންމެ ފުރިހަމަ ގޮތުގައި ދިނުމަށް ވެމްކޯ އިން ރިސޯޓް ކަލެކްޝަން ހިދުމަތް ފެށީ މި އަހަރުގެ ޖުލައި މަހުގެ 11 ވަނަ ދުވަހު އެވެ.
”ފަތުރުވެށި“ ގެ ނަމުގައި އެ ހިދުމަތް ފުރަތަމަ ފެށީ ރ. އަތޮޅުގެ ތިން ރިސޯޓް ކަމަށްވާ ކޮރަ ކޮރަ މޯލްޑިވްސް، އަލީލާ ކޮތާފަރު އަދި ނޮކު މޯލްޑިވްސް އިންނެވެ.
އެ ހިދުމަތް ދިނުމަށް ވެމްކޯ އިން މިއަދު ވަނީ މަލަހިނި ކުޑަ ބަޑޮސް އަދި ޖުމެއިރާ އޮޅަހަލި އާއެކު އެއްބަސްވުމުގައި ސޮއިކޮށްފަ އެވެ. އެއްބަސްވުމުގައި ވެމްކޯގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މުޖްތަބާ ޖަލީލެވެ.
ވެމްކޯ އިން ބުނީ، އިތުރު ދެ ރިސޯޓަކާއެކު މި ހިދުމަތާ ގުޅުމުގެ އެއްބަސްވުމުގައި ސޮއިކުރެވޭނެ ކަމަށާއި އޭރުން ޖުމްލަ އަށް ރިސޯޓަށް ހިދުމަތް ދެވެން ފެށޭނެ ކަމަށެވެ.

ގުޅުންހުރި
އެމްޑަބްލިޔުއެސްސީ: ރައްޔިތުންގެ ހިދުމަތުގައި 30 އަހަރު، ފަހުރުވެރި ކާމިޔާބު ކުންފުންޏެއް
އީދު ކުލަގަދަކޮށް ފާހަގަކުރުމުގެ އިންތިޒާމުތައް ހަމަޖެއްސި ފަރާތްތަކަށް ރައީސްގެ ޝުކުރު
އެސްޓީއޯ އިން ޕެޓްރޯލް ލީޓަރަކުން 48 ލާރި ހެޔޮކޮށްފި
އެސްޑީއެފްސީގެ މެނޭޖިން ޑިރެކްޓަރުގެ މަގާމުން ފިފްޝީން ވަކިކޮށްފި
އެސްޓީއޯގެ ބޯޑު ޑިރެކްޓަރަކަށް ފަޒީނާ
32 ރަށެއްގައި ވެމްކޯގެ ހިދުމަތް ފަށަން ސޮއިކޮށްފި