މާރާމާރީއެއް ހުއްޓުވަން އުޅުނު ފުލުހަކަށް ތޫނު އެއްްޗަކުން ހަމަލާ ދޭން އުޅެފި

ހުޅުމާލޭގައި ހިންގި މާރާމާރީއެއް ހުއްޓުވަން އުޅުނު ފުލުހަކަށް ތޫނު ހަތިޔާރެއް ބޭނުން ކޮށްގެން ހަމަލާ ދޭން މަސައްކަތްކޮށްފި އެވެ.

ފުލުހުން ބުނީ އެ ފުލުސް މީހާއަށް ހަމަލާ ދޭން އުޅުނީ މިއަދު 18:30 އެހާކަންހާއިރު ތޫނު އެއްޗެއް ބޭނުންކޮށްގެން މީހަކަށް ހަމަލާ ދޭން އުޅެނިކޮށް އެކަން ހުއްޓުވަން މަސައްކަތް ކުރުމުން ކަމަށެވެ.

އެ މައްސަލައާ ގުޅިގެން ފުލުހުން ވަނީ 33 އަހަރުގެ ދިވެހި ފިރިހެނެއް ހައްޔަރުކޮށްފަ އެވެ. އަދި އެ މައްސަލަ ތަހުގީގު ކުރަމުންދާ ކަމަށް ބުންޏެވެ.